उंड्री : यंत्रणा, शासकीय अनुदान, बँक कर्ज प्रक्रिया, मशिनरी, शासकीय अनुदान, उत्पादन विक्री या प्रक्रिया समजून घेतली पाहिजे. ऊस, मका, धान यावर प्रक्रिया करून इथेनॉलचे उत्पादन या गोष्टींची माहिती करून घेणे गरजेचे आहे, असे मत आरोही फाउंडेशनचे संस्थापक अध्यक्ष अधिकराव जगताप यांनी सांगितले.

आरोही फाउंडेशनच्या वतीने शेतकरी, महिला व तरुण उद्योजकांसाटी इथेनॉल प्रक्रिया उद्योग ऑनलाइन कार्यशाळा घेण्यात आली. फाउंडेशनचे संस्थापक अध्यक्ष जगताप म्हणाले की, राज्यभरातून शेतकरी आणि तरुण उद्योजकांनी या कार्यशाळेत सहभाग घेतला होता. इंधनाचे दर दिवसेंदिवस वाढत आहेत. त्यासाठी भारत सरकारने देशातच इथेनॉल पॉलिसी धोरण राबवले आहे. त्या अनुषंगाने देशातील शेतकऱ्यांसह तरुण उद्योजकांना उद्योग क्षेत्रात सक्षम करणे हा या कार्यशाळेचा उद्देश आहे, असे त्यांनी सांगितली. जयश्री कांबळे व रेश्मा मानकर यांनी कार्यक्रमाचे आयोजन केले होते.