पुणे- इयत्ता नववीपासून बी.ई. इंजिनिअरिंगपर्यंत शिक्षण झाले आहे. परंतु बेरोजगार आहात... अशा तरुण-तरुणींना रोजगार देण्यासाठी खासगी कंपन्या पुढे आल्या आहेत. कौशल्य विकास, रोजगार व स्वयंरोजगार उद्योजकता मार्गदर्शन केंद्राच्या वतीने ऑनलाईन रोजगार मेळाव्याचे आयोजन करण्यात आले आहे. 28 ते 30 सप्टेंबर या कालावधीत ऑनलाइन नोंदणी सुरू राहील. 

ताज्या बातम्यांसाठी डाऊनलोड करा ई-सकाळचे ऍप

जिल्ह्यातील विविध कंपन्यांना त्यांच्याकडील नववी उत्तीर्णपासून पुढे दहावी, बारावी, आय.टी.आय., डिप्लोमा इन मेकॅनिकल, इलेक्‍ट्रिकल, इलेक्‍ट्रॉनिक्‍स, ऑटोमोबाईल, तसेच बी.ई- मेकॅनिक, प्रॉडक्‍शन या शैक्षणिक पात्रतेच्या रिक्तपदासाठी नोंदणी करता येईल. हा मेळावा हा केवळ ऑनलाईन पसंतीक्रम नोंदविणाऱ्या उमेदवारांसाठीच घेण्यात येणार आहे. त्यामुळे जिल्ह्यातील इच्छुक तरुण-तरुणींनी www.rojgar.mahaswayam.gov.in या संकेतस्थळाला भेट द्यावी.

पुण्यात कोरोना रुग्णांचा २ लाखांचा आकडा होणार क्रॉस​

होमपेजवरील नोकरीसाधक (जॉब सीकर) लॉगइनमधून आपापल्या युझर आयडी व पासवर्डच्या आधारे लॉगइन करावे. त्यानंतर डॅशबोर्डमधील पंडित दीनदयाळ उपाध्याय जॉब फेअर या बटनावर क्‍लिक करुन प्रथम पुणे विभाग आणि नंतर पुणे जिल्हा निवडून त्यातील पंडित दिनदयाल उपाध्याय-4 या रोजगार मेळाव्याची निवड करावी. यानंतर उद्योजकनिहाय त्यांच्याकडील रिक्तपदाची माहिती घेऊन पात्रतेनुसार पदाची निवड करून ऑनलाईन पसंतीक्रम नोंदवावा. ऑनलाईन पसंतीक्रम नोंदविणाऱ्या उमेदवारांना पसंतीक्रमानुसार आणि उद्योजकांच्या सोईनुसार मुलाखतीचे ठिकाण, दिनांक व वेळ एसएमएस, दूरध्वनी किंवा ई-मेलद्वारे कळविण्यात येईल. तसेच, ऑनलाईन किंवा ऑफलाईन मुलाखतीचे आयोजन करण्यात येईल. बेरोजगार युवक युवतींनी येत्या 30 सप्टेंबरपर्यंत पसंतीक्रम नोंदवून या रोजगार संधीचा लाभ घ्यावा, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राच्या सहायक आयुक्त अनुपमा पवार यांनी केले आहे. 

वैद्यकीय उपचारासाठी उत्पादनाच्या 80 टक्के ऑक्‍सिजन उपलब्ध होणार - जिल्हाधिकारी