पुणे :तुम्हाला कोरोनाच्या संकटामुळे येत्या शैक्षणिक वर्षात केंद्रीय माध्यमिक शिक्षण मंडळाचा (सीबीएसई) अभ्यासक्रम कमी करण्यात यावा, असे वाटतय का?, त्यासाठी तुम्हाला काही उपाय सुचवायचा आहे का? तर तुम्ही थेट केंद्रीय मनुष्यबळ विकास मंत्री आणि संबंधित मंत्रालयाला तुमचा सल्ला पाठवू शकता.

- पुण्याच्या बातम्या वाचण्यासाठी येथे ► क्लिक करा

होय, खुद्द केंद्रीय मनुष्यबळ विकास मंत्री रमेश पोखरियाल 'निशंक' यांनीच असे आवाहन आपल्या अधिकृत ट्विटर अकॉउंटवर व्हिडिओद्वारे केले आहे. या व्हिडिओद्वारे ते म्हणतात, "कोरोनाच्या प्रादुर्भावामुळे संपूर्ण जगात आणि त्याचबरोबर शिक्षण क्षेत्रातही मोठा परिणाम झालेला आहे. त्यामुळे येत्या शैक्षणिक वर्षात सीबीएसईचा अभ्यासक्रम कमी करण्यात यावा, अशी मागणी विद्यार्थी, शैक्षणिक संस्था आणि शिक्षण क्षेत्रातील तज्ञ यांच्याकडून विविध माध्यमातून होत आहे. हा अभ्यासक्रम कमी करण्याचा सल्ला सातत्याने देण्यात येत आहे. त्यामुळे केंद्रीय मनुष्यबळ विकास मंत्रालयाने शिक्षक,  शैक्षणिक संस्था, शिक्षण क्षेत्रातील तज्ञ यांच्याकडून अभ्यासक्रम कमी करण्यासंदर्भात काय आणि कसे करता येईल, जेणेकरून विद्यार्थ्यांचे कोणत्याही प्रकारचे शैक्षणिक नुकसान होणार नाही, असे उपाय आणि सूचना मागितल्या आहेत." एका आठवडयाच्या आत यासंदर्भातील सूचना पाठवाव्यात असे आवाहन त्यांनी केले आहे.

पुण्यातल्या लॉकडाउनचं काय होणार? वाचा व्हायरल मेसेजमागचं सत्य 
केंद्रीय मनुष्यबळ विकास मंत्रालय आणि खुद्द केंद्रीय मंत्री रमेश पोखरियाल 'निशंक' यांच्या ट्विटर किंवा फेसबुकवर तुम्हाला सूचना पाठविता येणार आहेत. "याद्वारे आलेल्या सूचनांवर विचार विनिमय करून पुढील निर्णय घेण्यात येईल," असेही रमेश पोखरियाल 'निशंक' यांनी आपल्या ट्विटमधील व्हिडिओमध्ये नमूद केले आहे.

- पुण्याच्या बातम्या वाचण्यासाठी येथे ► क्लिक करा