पुणे ः शहरात उद्या (गुरूवारी) कोव्हीशील्डचे ४५ वयाच्या पुढील नागरिकांचे लसीकरण केवळ पाच केंद्रावर होणार आहे. १८ ते ४४ वयोगटातील नागरिकांना कोव्हीशील्डचा पहिला डोस ५६केंद्रांवर दिला जाईल. तर कोव्हॅक्सीनचे लसीकरण १५ केंद्रावर होणार आहे. या प्रत्येक केंद्रावर १०० डोस उपलब्ध करून देण्यात आले आहेत, अशी माहिती महापालिका प्रशासनाने दिली.

डीआरडीओ बावधन, पोलिस रुग्णालय स्वारगेट, ससून रुग्णालय, रेल्वे रुग्णालय पुणे स्टेशन, आयआयएसईआर औधं-पाषाण या पाच ठिकाणी ४५ वयाच्या पुढील नागरिकांचे लसीकरण होईल. या ठिकाणी ८० टक्के लस थेट केंद्रावर जाणाऱ्या नागरिकांच्या पहिल्या डोससाठी आहे. तर २० टक्के लस एक एप्रिल पूर्वी पहिला डोस घेतलेल्या नागरिकांच्या दुसऱ्या डोससाठी राखीव आहे.

कोव्हीशील्ड (१८ ते ४४ वयोगट)

- ७० टक्के लस आॅनलाइन बुकींगद्वारे उपलब्ध

- ३० टक्के लस थेट केंद्रावर जाणाऱ्या नागरिकांसाठी

- आॅनलाइन नोंदणीसाठी सकाळी ८ वाजता लिंक खुली होईल

कोव्हॅक्सीन (१८ ते पुढील वयोगट)

- २६ मे पूर्वी पहिला डोस घेणाऱ्यांना दुसरा डोस मिळणार

-५० टक्के लस आॅनलाइन बुकींगद्वारे उपलब्ध

- ५० टक्के लस थेट केंद्रावर जाणाऱ्या नागरिकांसाठी