पिंपरी : बेशुद्धावस्थेत रुग्णालयात आणलेल्या व्यक्तीला मृत घोषित करताच टोळक्याने रुग्णालयात राडा घातला. रुग्णालयातील कर्मचाऱ्यांना मारहाण करीत ईसीजी मशीनची तोडफोड केल्याची घटना वाकडमध्ये घडली.

 ताज्या बातम्यांसाठी डाऊनलोड करा ई-सकाळचे ऍप

करीम शेख, मुक्तार शेख व त्यांच्या दोन साथीदारांवर गुन्हा दाखल झाला आहे. यापप्रकरणी नारायण सुरवसे (रा. पार्क स्ट्रीट , वाकड ) यांनी फिर्याद दिली आहे.

पुण्यात महामेट्रोला मोठा ब्रेक थ्रू; 1600 मीटरचा बोगदा पूर्ण
 

रविवारी सायंकाळी साडेसातच्या सुमारास वाकडमधील काळेवाडी फाटा येथील एनआरएस रुग्णालयात आरोपींसह दहा ते पंधरा जण सलीम शेख यांना बेशुद्धावस्थेत रुग्णालयात घेऊन आले. मात्र, ते तपासणीपूर्वी मृत झाल्याचे समजताच त्यांचे नातेवाईक करीम शेख, मुक्तार शेख व त्यांच्या दोन साथीदारांनी मोठ्मोठाने आरडाओरडा, शिविगाळ करीत रुग्णालयात दहशतीचे वातावरण निर्माण केले. तेथील सुरक्षारक्षक, सिस्टर व मावशी यांना मारहाण करून ईसीजी मशीनची तोडफोड केली. वाकड पोलिस तपास करीत आहेत.

 - पुण्याच्या बातम्या वाचण्यासाठी येथे ► क्लिक करा