पुणे - देखभाल-दुरुस्तीसाठी गुरुवारी बंद केलेला पाणीपुरवठा दुसऱ्या दिवशी, शुक्रवारीही सुरळीत होऊ शकला नाही. त्यामुळे बहुतांशी विशेषतः उपनगरांमधील रहिवाशांना गेल्या दोन दिवसांपासून पाणी मिळाले नाही. ज्या भागांत पाणीपुरवठा झाला; तोही अपुरा आणि कमी दाबाने झाल्याने रहिवाशांची अडचण झाली. मात्र, दुरुस्तीची कामे संपल्यानंतर पाणीपुरवठा सुरळीत केला; मात्र तो फार कमी दाबाने झाल्याचे महापालिका प्रशासनाने स्पष्ट केले.
- पुण्याच्या बातम्या वाचण्यासाठी येथे ► क्लिक करा
कात्रज, धनकवडी, बालाजीनगर, सहकारनगर, सिंहगड रस्त्याचा काही भाग, पद्मावती, पर्वती दर्शन येथील पाणीपुरवठा विस्कळित झाल्याच्या तक्रारी होत्या. जलकेंद्रातील दुरुस्ती करण्यासाठी गुरुवारी संपूर्ण शहराचा पाणीपुरवठा बंद होता. त्यानंतर शुक्रवारी उशिराने आणि कमी दाबाने पाणी सोडले जाईल, असे महापालिकेने स्पष्ट केले होते. मात्र काम संपल्यानंतर शुक्रवारी सकाळी पाणी आले नाही. काही भागांत आले पण तेही कमी वेळ आले. कात्रज-कोंढवा रस्ता परिसरात रात्री आठपर्यंत पाणी आले नव्हते.
पाणीपुरवठा खात्याचे प्रवीण गेडाम म्हणाले, ‘‘सर्व भागात वेळापत्रकाप्रमाणे पाणी सोडण्यात आले आहे. परंतु, कमी दाबामुळे जलवाहिन्यांमधील पाणी शेवटपर्यंत पोचू शकलेले नाही. मात्र, सायंकाळनंतर पाणीपुरवठा पूर्ववत झाला.’’
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.