फुरसुंगी - संत ज्ञानेश्वर महाराजांच्या पालखीचे फुरसुंगीत पुरंदर हवेलीचे आमदार संजय जगताप यांच्या उपस्थित उत्साहात आणि आनंदात स्वागत करण्यात आले. विठू माऊलींच्या जयघोषाणी आणि टाळ मृदुंगाच्या गजराने सम्पूर्ण वातावरण भक्तिमय झाले.
दोन वर्षांनी होणारी पायी वारी पाहण्यासाठी सकाळपासूनच नागरिकांनी दर्शनासाठी मुख्य पालखी मार्गावर उपस्थिती दाखवली. सुरक्षिततेसाठी पोलीस प्रशाषणाकडून मार्गावर कोणतीही गाडी येणार नाही याची बेरिकेट लावून काळजी घेण्यात आली होती. केवळ पायी चालणाऱयांसाठी रस्ता खुला ठेवण्यात आला होता. हडपसर वरून पालखी आकरा वाजण्याच्या सुमारास मार्गस्थ झाली.
फुरसुंगीत पालखी थांबा नसल्याने नागरिकांनी चालतच दर्शन घेतले.उरुळी देवाची मध्ये साडेबारा च्या सुमारास विसावा घेतला.येथेल विसाव्याला गावातील नागरिकांनी रांगेत दर्शन घेतले. पालखी निमित्त श्री बालाजी सेवा प्रतिष्ठान, कल्पवृक्ष पतसौंस्था, श्री स्वामी समर्थ हॉस्पिटल यांच्याकडून फराळ, पाणी, अल्पोहार, मोफत आरोग्य तापासनी आणि औषध वाटप करण्यात आले.यानंतर दुपारच्या भोजनासाठी वडकी येथे पोहोचल्यावर पाऊस सुरू झाल्याने विसावा समोरील भव्य मैदानावर पावसातच सर्व दिंडीनी अराम करून पुढील प्रवासासाठी प्रस्तान केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.