लोणी काळभोर (पुणे) : हवेली तालुक्यातील उरुळी कांचन येथील पहिली कोरोनाबाधित 47 वर्षीय महिला पुणे येथील नायडू रुग्णालयात 15 दिवस उपचार घेऊन रविवारी (ता. 3) रात्री घरी परतली.
या महिलेने कोरोनावर यशस्वी मात केली. त्यामुळे या महिलेच्या कुटुंबीयांच्या आनंदाला पारावार उरला नाही. रुग्णवाहिका घरासमोर येताच सोशल डिस्टन्ससिंग पाळत ग्रामस्थांनी तिचे स्वागत केले व आपण तिच्या पाठीशी असल्याचा संदेशही जोरदार टाळ्या वाजवून दिला.
कदमवाकवस्ती येथील खासगी रुग्णालयात पंधरा दिवसांपूर्वी पोटाच्या आजारावर उपचार सुरू असताना उरुळी कांचन येथील महिला कोरोनाबाधित असल्याचे स्पष्ट झाले. त्यातच संबंधित महिलेवर उपचार करणारे खासगी रुग्णालयातील डॉक्टर व दोन नर्सही कोरोनाबाधित आढळून आल्या. त्यामुळे पूर्व हवेलीत संबंधित महिला चर्चेचा विषय बनली होती. नायडू रुग्णालयात उपचारादरम्यान या महिलेचा दुसऱ्यांदा स्वॅबच्या नमुन्याची तपासणी केल्यानंतर तो निगेटिव्ह आला. त्यामुळे तिला रुग्णालयातून घरी पाठवण्यात आले.
डॉक्टर, नर्सचा अहवाल आज येणार
या महिलेच्या संपर्कात आल्याने कोरोनाबाधीत झालेल्या कदमवाकवस्ती येथील खासगी रुग्णालयातील डॉक्टर व दोन नर्सची स्वॅब नमुना तपासणी करण्यात आली आहे. या तपासणीचा अहवाल मंगळवारी (ता. 5) सकाळी येणार आहे. तपासणी निगेटिव्ह आल्यास तिघेही घरी परतणार असल्याची माहिती खासगी रुग्णालयाच्या व्यवस्थापनाने दिली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.