नारायणगाव : रॅपिड सर्व्हेक्षण मोहीमे अंतर्गत हॉटस्पॉट असलेल्या वारुळवाडी शहर व परिसरातील वाड्यावस्त्यांमध्ये १३ हजार ८४३ नागरिकांची वैद्यकीय तपासणी करण्यात आली.तपासणीत २४० संशयित रूग्ण आढळून आले.या रूग्णांची ऍन्टीजेन टेस्ट केली असता २१ कोरोना बाधीत रुग्ण आढळून आले.२१९ संशयित रुग्णांना होम क्वारंनटाईन करण्यात आले आहे.अशी माहिती वैद्यकीय अधिकारी डॉ. वर्षा गुंजाळ यांनी दिली.

- विद्यार्थ्यांसाठी महत्त्वाची बातमी : शैक्षणिक शुल्क होणार कमी? समितीच्या अहवालाकडे सर्वांचे लक्ष​

वारुळवाडी प्राथमिक आरोग्य केंद्रा अंतर्गत असणाऱ्या १४ गावात मागील दोन महिन्यांत कोरोना संसर्ग वाढला आहे.रोज सुमारे वीस नवीन रूग्णांची भर पडत आहे. आज अखेर सोळा रुग्णांचा मृत्य झाला आहे.हॉटस्पॉट असलेल्या नारायणगाव, वारुळवाडी भागांतील कोरोना संसर्ग  साखळी तोडण्यासाठी प्रतिबंधात्मक उपाय म्हणून रॅपिड सर्व्हेक्षण करण्याचे आदेश जिल्हा परिषदेच्या वतीने देण्यात आले होते.पहिल्या टप्प्यात नारायणगावा तील  २० हजार ८३२ नागरिकांची तपासणी करण्यात आली. तपासणीत ३३ कोरोना रूग्ण आढळुन आले.या बाबत डॉ. गुंजाळ म्हणाल्या रॅपिड सर्व्हेक्षण करण्यासाठी सुमारे १५० कर्मचाऱ्यांची नेमणूक करण्यात आली आहे.

- पुण्याच्या बातम्या वाचण्यासाठी येथे ► क्लिक करा

तपासणी पथकात सबनीस विद्यालयातील शिक्षक ,आशा वर्कर, अंगणवाडी सेविका, आरोग्य कर्मचारी आदीचा समावेश आहे. पथकाने वारुळवाडी परिसरातील ३ हजार २८५ कुटुंबातील सदस्यांची घरोघरी जाऊन ऑक्सीमीटर, थर्मामीटरद्वारे तापमान,ऑक्सिजन पातळी व इतर लक्षणांची तपासणी केली.वारुळवाडी ग्रामपंचायतिचे माजी सरपंच जंगल कोल्हे, सचिन वारुळे,विपूल फ़ुलसुंदर यांनी सर्व्हेक्षण मोहीमेसाठी मदत केली.

 मराठा आरक्षणावरून शासनाचाच 'गोंधळात गोंधळ'; सुधारित आदेश काढल्याने विद्यार्थ्यांना मिळाला दिलासा

रॅपिड सर्व्हेक्षणा अंतर्गत चौदा गावांपैकी  नारायणगाव व वारूळवाडी या दोन गावांची वैद्यकीय तपासणी पूर्ण  झाली असून सोमवारी(ता.१४) येडगाव परिसराची तपासणी करण्यात येईल. त्या नंतर उर्वरित अकरा गावांची  तपासणी करण्यात यईल.वैद्यकीय तपासणीसाठी नागरिकांनी पथकातील कर्मचाऱ्यांना सहकार्य करावे.-डॉ. वर्षा गुंजाळ 

(संपादन : सागर दिलीपराव शेलार)