पुणे - पुणे महानगर क्षेत्रविकास प्राधिकरणाच्या (पीएमआरडीए) सुमारे अडीचशे हेक्टरवरील म्हाळुंगे-माण टीपी स्कीमच्या ले-आउटला राज्य सरकारने नुकतीच अंतिम मंजुरी दिली आहे. त्यामुळे या योजनेतील सुमारे सहा हजार खातेदारांना आता प्रॉपर्टी कार्ड देण्यात येणार आहे. त्यासाठीचा प्रस्ताव लवकरच प्राधिकरणाकडून भूमी अभिलेख विभागाकडे पाठविण्यात येणार आहे.
‘पीएमआरडीए’ने म्हाळुंगे-माण ‘हाय टेक सिटी’ प्रारूप नगर योजनेस सप्टेंबर २०१८ मध्ये मंजुरी दिली होती. त्यानंतर या योजनेवर हरकती व सूचना मागविण्यात आल्या. दाखल हरकती व सूचनांवर सुनावणी घेण्यासाठी राज्य सरकारकडून लवाद म्हणून धनंजय खोत यांची विशेष अधिकारी म्हणून नियुक्ती केली होती. खोत यांनी संबंधित जमिनीच्या मालकांची संवाद साधून ही योजना अंतिम मंजुरीसाठी राज्य सरकारकडे सादर केली होती. राज्य सरकारने या योजनेला १२ डिसेंबर २०१९ रोजी अंतिम मान्यता दिली. त्यामुळे ही योजना राबविण्यातील सर्व अडथळे दूर झाले आहेत.
मान्यता मिळाल्यामुळे आता पुढील टप्पा योजनेतील खातेदारांना प्रॉपर्टी कार्ड देण्याचा राहणार आहे. त्यासाठी या योजनेचे मंजूर नकाशे ‘पीएमआरडीए’कडून भूमी अभिलेख विभागाला पाठविले जाणार आहेत. त्यानंतर भूमी अभिलेख विभागाकडून या योजनेतील सुमारे सहा हजार खातेदारांना प्रॉपर्टी कार्ड देण्यात येणार आहे, अशी माहिती खोत यांनी दिली. त्यामुळे या सर्व खातेदारांना कायदेशीर हक्काचा पुरावा प्राप्त होण्यास मदत होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.