पुणे

घरकामगार महिलांना मिळणार अर्थसाहाय्य; पंतप्रधान श्रमयोगी मानधन योजनेतून मदतीचा हात

सकाळवृत्तसेवा

पुणे - गृहनिर्माण सोसायट्यांमध्ये स्वयंपाक, धुणी-भांडी, स्वच्छता, झाडू आदी कामे करणाऱ्या महिला आणि चालकांना पंतप्रधान श्रमयोगी मानधन पेन्शन योजनेतून आर्थिक साहाय्य केले जाणार आहे. यामुळे या कामगारांना दिलासा मिळणार आहे. 

जिल्ह्यातील असंघटित कामगारांची माहिती श्रम मंत्रालय आणि जिल्हा उपनिबंधक कार्यालयाने मागवली आहे. गृहनिर्माण संस्थांनी घरातील स्वयंपाक, धुणी-भांडी, स्वच्छता, झाडू काम करणाऱ्या तसेच वाहनचालक या सर्व कामगारांची माहिती 4 एप्रिलपर्यंत विहित नमुन्यात द्यावी, असे आवाहन जिल्हा उपनिबंधकांनी सहकारी गृहनिर्माण संस्थांचे अध्यक्ष आणि सचिवांना केले आहे. 

हे अर्थसाहाय्य नेमके किती व केव्हापासून मिळणार आहे, हे केंद्र सरकारने अद्याप स्पष्ट केलेले नाही. पहिल्या टप्प्यात गृहनिर्माण सोसायट्यांकडून ही माहिती गोळा करण्यात येणार आहे. त्यानंतर पुढील कार्यवाही करण्यात येणार असल्याचे सहकार विभागातील सूत्रांनी सांगितले. 

येथे पाठवा माहिती 
dculo-mh@gov.in 
ddrcspune@gmail.com किंवा punefed@gmail.com या इ-मेल वर ही माहिती पाठवावी. 

विहित नमुन्यातील भरावयाची माहिती 
- गृहनिर्माण सोसायटीचे नाव, पूर्ण पत्ता पिनकोडसह, नोंदणी क्रमांक 
- सोसायटीमधील एकूण सदनिका 
- धुणी-भांडी, स्वच्छता, झाडू काम आणि चालक या कामगारांची नावे 
- कामगारांचे आधार कार्ड क्रमांक, जन्मतारीख, रेशन कार्डचा प्रकार (पिवळे, केशरी), रेशन कार्ड क्रमांक आणि मोबाईल क्रमांक 
- गृहनिर्माण सोसायटीचे अध्यक्ष किंवा सचिवांचे नाव, मोबाईल क्रमांक आणि इ-मेल आयडी 


अधिक माहितीसाठी संपर्क क्रमांक 
सुहास पटवर्धन (अध्यक्ष, पुणे जिल्हा सहकारी गृहनिर्माण महासंघ) 9422004701 

मदतीचे आवाहन 
आपत्कालीन परिस्थितीत गृहनिर्माण संस्थांनी पंतप्रधान आणि मुख्यमंत्री साहाय्यता निधीसाठी आर्थिक साहाय्य करावे, असे आवाहन जिल्हा उपनिबंधकांनी केले आहे. 

"सहकार दरबार' बंद राहणार 
पुणे जिल्हा सहकारी गृहनिर्माण महासंघाचे कार्यालय आणि "सहकार दरबार' 14 एप्रिलपर्यंत बंद राहील, अशी माहिती पुणे जिल्हा सहकारी गृहनिर्माण संस्था फेडरेशनचे अध्यक्ष सुहास पटवर्धन यांनी दिली.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Bitcoin All Time High: बिटकॉइनने गाठला नवा उच्चांक; एका बिटकॉइनसाठी किती रुपये द्यावे लागणार?

Crime News : मुलांना जेवणातून द्यायची झोपेच्या गोळ्या, मग प्रियकर यायचा अन्..., बीनाने अडथळा ठरणाऱ्या पतीचा 'असा' काढला काटा

Artificial Intelligence: 'जमीन, जागांवरील अतिक्रमण रोखण्यासाठी आता ‘एआय’चा वापर'; विकसित महाराष्ट्र-२०४७ साठी ‘महसूल’चे सर्वेक्षण

Donald Trump: मित्रप्रेमासाठी ब्राझीलला आयातशुल्काचा दणका; ट्रम्प यांचा निर्णय, माजी अध्यक्ष बोल्सेनारोंवरील कारवाई अमान्य

Pune News : लग्नानंतर वर्षातच न्यायालयात जाणाऱ्याला दणका; न्यायाधीशांनी घटस्फोटाचा अर्ज फेटाळला

SCROLL FOR NEXT