(ओतूर)पुणे : येथील ओतूर- ब्राम्हणवाडा मार्गावरील ओतूर गावच्या हद्दीतील फापाळे शिवार परिसरात कॅनल जवळ बिबट्याने दुचाकीवर हल्ला केला या हल्ल्यात दुचाकीवर मागे बसलेेली तरुणी जखम झाली आहे.

सध्या दिवस छोटा असून थंडीमुळे परिसर लवकर सामसूम होतो. शुक्रवारी रात्री साडे सात दरम्यान रामदास विठ्ठल लोहकरे व मनीषा विष्णू घोडे( वय.१६) हे दोघे शेतातील काम आटोपून दुचाकीवरून घरी जात होते.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

फापाळे शिवार परीसरात ओतूर ब्राम्हणवाडा रोडवर कॅनॉल जवळील आपल्या रहात्या घराकडे जात असताना रस्त्या लगतच्या उसाच्या शेतात दबा धरून बसलेल्या बिबट्याने दुचाकीवर झेप घेऊन हल्ला केला, दुचाकीवर मागे बसलेल्या मनीषाच्या पायावर बिबट्याचा पंजा लागून ती जखमी झाली मात्र, लोहकरे यांनी प्रसंगावधान राखून दुचाकीचा वेग वाढवून दूचाकी पडू न देता पुढे नेल्यामुळे दोघांवरील मोठे संकट टळले.

मनीषाला ओतूर प्राथमिक आरोग्य केंद्रात आणून उपचार करण्यात आले. यावेळी ओतूर वन विभागाचे वनरक्षक अतुल वाघुले व वन कर्मचारी घटनास्थळी भेट दिली आणि बिबट प्रतिबंधक लस देण्यासाठी सदर तरुणीस पिपरी चिंचवड येथील यशवंतराव चव्हाण रुग्णालयातमध्ये वनविभागाकडून घेऊन जाण्यात असल्याची माहिती ओतूरचे वनपाल सुधाकर गीते यांनी दिली.

व्यावसायिक शिक्षणाच्या प्रवेशाला अद्याप प्रतिक्षा

ओतूर व परिसर हा बिबट प्रवण क्षेत्र असल्याने तसेच सध्या ऊसतोड हंगाम जोरात सुरू असल्याने बिबट्याचे दर्शन मोठ्या प्रमाणात सर्वत्र होत असून नागरिकांनी बिबट दिसल्यास वनविभागाला त्वरित माहिती कळवावी.तसेच रात्रीच्यावेळी एकट्याने फिरू नये शक्य नसल्यास मोठ्या आवाजाची यंत्र बरोबर ठेवावे, पाळीव जनावरे बंदिस्त गोठ्यात बांधावी, घराबाहेर उघड्यावर झोपू नये असे वन विभाग करण्यात आले आहे.

ओतूरचे प्रभारी वनक्षेत्र अधिकारी एम.एन.मसेकर यांच्या मार्गदर्शनाखाली वनपाल सुधाकर गीते,वनरक्षक अतुल वाघुले व वनकर्मचारी पथकाने ओतूर हद्दीत कॅनल परिसरात बाबीत मळा येथे याआधीच बिबट्याच्या बंदोबस्तासाठी पिंजरा लावला आहे.तसेच रात्रीची गस्त ही या भागात वाढवली जाणार असल्याची माहिती वनविभागा कडून देण्यात आली