पुण्यातील फर्ग्युसन महाविद्यालयात शिकणाऱ्या तरुणाने गळफास घेऊन आत्महत्या केल्याचा धक्कादायक प्रकार समोर आला आहे. मिळालेल्या माहितीनुसार हा युवक बी.एस्सीच्या तिसऱ्या वर्षात शिक्षण घेत होता. दरम्यान या आत्महत्येमागील कारण मात्र अद्याप स्पष्ट झालेलं नाहीये.

नाशिक जिल्ह्यातील रहिवाशी असलेल्या महाविद्यालयिन विद्यार्थ्याचे नाव ओम कापडणे असे असून त्याने पुण्यातील वडारवाडी येथील विष्णू कुंज या वसतिगृहात गुरुवारी गळफास घेतला. या घटनेने परिसरात खळबळ उडाली आहे

दरम्यान घटनास्थळी कुढलीही चिठ्ठी आढळून आलेली नाही. त्यामुळे त्याने हे पाऊल का उचलले, याचा तपास सुरू आहे. दरम्यान या घटनेची चतु:शृंगी पोलिस ठाण्यात नोंद करण्यात आली असून पुढील तपास पोलिस करत आहेत.