सुशिक्षीत बेरोजगार तरूण-तरूणी रडत घरात न बसता हाताला येईल ते काम करत आहेत. काही तरूण जून्या स्क्रॅपपासून वस्तू बनवून विकत आहेत. तर,काही तरूण चहा, नाश्ता सेंटर चालवत आहेत.यापासूनच प्रेरणा घेऊन एक सुशिक्षीत तरूणी पाणीपुरी विकत आहे.

आज आम्ही तुम्हाला आणखी एका पदवीधर तरुण उद्योजक मुलीची ओळख करून देणार आहोत. जी तिच्या खास नावामुळे चर्चेत आहे. ती आहे B.Tech पाणीपुरीवाली. जिचा एक व्हिडिओ सध्या सोशल मीडियावर व्हायरल होत आहे.

स्वतःचा व्यवसाय सुरू करू इच्छिणाऱ्या अनेक लोकांसारखेच दिल्लीची तापसी उपाध्याय तरूणी आहे. ती 21 वर्षांची असून तिने B.Tech केल्यानंतर स्वतःचा व्यवसाय सुरू करण्याचा विचार केला. दिल्ली आणि देशभरातील लोक आपापल्या राज्यात मिळणाऱ्या स्ट्रीट फूडचे शौकीन आहेत. तापसीने लोकांना हेल्दी स्ट्रीट फूड देण्याचा विचार केला आणि या उद्देशाने तिचा पाणीपुरीचा स्टॉल सुरू केला.

ती तिच्या बुलेटच्या मागे तिचा छोटा स्टॉल बसवते आणि त्यावरून पाणीपुरी विकते. तिच्या पाणीपुरीचा स्टॉल दररोज जनकपुरीला येते आणि लोकांना चांगल्या क्वालिटीचे गोलगप्पे सर्व्ह करते. ती घरीच गोलगप्पा पाणी आणि चटणी बनवते. तर, मैदा न घातलेल्या पिठापासून रोस्ट केलेल्या पुऱ्या बनवते.

प्लास्टीक न वापरता झाडांच्या पानांपासून बनलेल्या द्रोणमध्येच पाणीपुरी दिली जाते. तर, सर्व्ह करताना स्वच्छतेचीही काळजी घेतली जाते. तुम्ही जेलरोड, प्रेम नगर जनकपुरी, दिल्लीच्या बाजारात जाऊन त्यांची खास पाणीपुरी देखील ट्राय करू शकता.

तापसीने या कामाच्या अनूभवाबद्दल सांगितले की, मी एक मुलगी आहे म्हणून आधी लोकांनी पाणीपुरी विकू नको, असे सांगितले. पण तिने कोणाचेही ऐकले नाही. तिचं सोशल मिडीया अकाऊंटही आहे. त्याच नावाची त्यांची एक वेबसाइटही आहे. इंस्टाग्रामवर B.Tech पाणीपुरी वालीच्या व्हिडिओला लोक खूप पसंत करत आहेत.