Direct Tax Collections: देशात आयकर रिटर्न अर्थात आयटीआर भरणाऱ्यांची संख्या झपाट्याने वाढली आहे. आयकर रिटर्न भरणाऱ्या लोकांची संख्या गेल्या 10 वर्षात दुपटीने वाढून 7.78 कोटी झाली आहे. केंद्रीय प्रत्यक्ष कर मंडळाने (CBDT) मंगळवारी ही आकडेवारी जाहीर केली.
CBDT ने सांगितले की 2022-23 या आर्थिक वर्षात 7.78 लाख आयकर रिटर्न भरले गेले. हे रिटर्न 2013-14 मध्ये दाखल केलेल्या 3.8 कोटी आयकर रिटर्नपेक्षा 104.91 टक्के अधिक आहे. याच कालावधीत, 2022-23 मध्ये निव्वळ प्रत्यक्ष कर संकलन 160.52 टक्क्यांनी वाढून 16,63,686 कोटी रुपये झाले. 2013-14 मध्ये ते 6,38,596 कोटी रुपये होते.
सरकारने 2023-24 च्या अर्थसंकल्पात प्रत्यक्ष कर (वैयक्तिक आयकर आणि कंपनी कर) मधून 18.23 लाख कोटी रुपये उभारण्याचे लक्ष्य ठेवले आहे. गेल्या आर्थिक वर्षात जमा झालेल्या 16.61 लाख कोटी रुपयांच्या तुलनेत हे प्रमाण 9.75 टक्के अधिक आहे. (Total direct tax collection increased by 173%)
CBDT डेटानुसार, 2022-23 मध्ये एकूण प्रत्यक्ष कर संकलन 173.31 टक्क्यांनी वाढून 19,72,248 कोटी रुपये झाले. 2013-14 या आर्थिक वर्षात ते 7,21,604 कोटी रुपये होते. यासह, प्रत्यक्ष कर-जीडीपी गुणोत्तर 5.62 टक्क्यांवरून 6.11 टक्के झाले आहे. संकलन खर्च 2013-14 मध्ये 0.51 टक्क्यांवरून 2022-23 मध्ये 0.57 टक्क्यांपर्यंत वाढला.
अर्थमंत्री निर्मला सीतारामन 1 फेब्रुवारीला अंतरिम अर्थसंकल्प सादर करणार आहेत. या अर्थसंकल्पात कोणतीही मोठी घोषणा होण्याची शक्यता नसली तरी करदात्यांच्या अनेक अपेक्षा आहेत. (What do taxpayers expect from the budget?)
सरकारने जुनी करप्रणाली थांबवू नये आणि करमुक्त स्लॅबची मर्यादा वाढवावी, अशी करदात्यांची मागणी आहे. याशिवाय कलम 80D अंतर्गत कपातीची मर्यादा वाढवण्याचीही मागणी आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.