Scaler Lays off 150 Employees: एडटेक स्टार्टअप स्केलरने सुमारे 10 टक्के कर्मचाऱ्यांना म्हणजे 150 कर्मचाऱ्यांना कामावरून काढून टाकले आहे. बुधवारी एका मीडिया रिपोर्टमध्ये ही माहिती देण्यात आली. नोकर कपातीमुळे कंपनीच्या मार्केटिंग, सेल्स आणि इतर विभागांमधील सुमारे 150 कर्मचाऱ्यांवर परिणाम होणार आहे.
कंपनीच्या म्हणण्यानुसार, त्यांच्याकडे सध्या सुमारे 1,500 कर्मचारी आहेत. यापैकी 1,000 पूर्णवेळ कर्मचारी आहेत. उर्वरित सल्लागार, कंत्राटी कर्मचारी आणि इंटर्न आहेत. अहवालानुसार, स्टार्टअपने म्हटले आहे की दीर्घकालीन वाढ आणि कंपनीच्या पुनर्रचनेसाठी कर्मचारी कपातीचा निर्णय घेण्यात आला आहे.
"कंपनीच्या पुनर्रचनेचा एक भाग म्हणून, आम्ही कंपनीतील काही कर्मचाऱ्यांना कमी केले आहे, त्यात प्रामुख्याने मार्केटिंग आणि विक्री विभागातील पदांचा समावेश आहे," स्केलरचे संस्थापक अभिमन्यू सक्सेना यांनी ही माहिती दिली. याव्यतिरिक्त, कंपनीने सांगितले की नोकरीतील कपात कामगिरीवर आधारित नव्हती आणि सर्व प्रभावित कर्मचाऱ्यांना आश्वासन दिले की त्यांना नवीन नोकरीसाठी सहकार्य केले जाणार आहे.
कंपनीचा एकूण खर्च 2.7 पटीने वाढून रु. 654.6 कोटी झाला आहे, मार्च 2023 मध्ये आर्थिक वर्षात रु. 322.07 कोटी कर्मचाऱ्यांवरील खर्चामुळे लक्षणीय वाढ झाली आहे. वार्षिक महसुलात 4.8 पट वाढ होऊन रु. 316.7 कोटींवर पोहोचला आहे. एप्रिल 2023 मध्ये, कंपनीने स्केलर स्कूल ऑफ टेक्नॉलॉजी लॉन्च करण्याची घोषणा केली होती.
IT क्षेत्रापासून ते एडटेक ते स्टार्ट-अप पर्यंत, अनेक उद्योगांनी कर्मचारी कपातीची घोषणा केली आहे, या निर्णयांमागील प्रमुख कारण म्हणून जागतिक प्रतिकूल परिस्थिती आणि फंडिंगचा उल्लेख केला जातो. भारतात, 2023 च्या पहिल्या सहामाहीत स्टार्ट-अप क्षेत्रातील सुमारे 11,000 कर्मचाऱ्यांनी त्यांच्या नोकऱ्या गमावल्या आहेत.
मार्केट इंटेलिजेंस फर्म, Traxon च्या आकडेवारीनुसार, भारतीय स्टार्ट-अप्सने 2023 च्या पहिल्या सहामाहीत केवळ 5.48 अब्ज डॉलर निधी उभारण्यात यश मिळवले. अशाप्रकारे, अर्थव्यवस्थेत उपलब्ध निधीची कमतरता दूर करण्यासाठी संस्थापकांनी खर्चात कपात करण्याच्या उपाय म्हणून कर्मचारी कपात करण्याचा निर्णय घेतला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.