मुंबई : मार्चअखेर संपलेल्या आर्थिक वर्ष २०२३-२४ मध्ये महाराष्ट्राने तीन लाख कोटी रुपयांपेक्षा अधिक वस्तू आणि सेवा कराचे (जीएसटी) संकलन करून अव्वल स्थान मिळवले आहे. देशाच्या एकूण वार्षिक ‘जीएसटी’ संकलनात महाराष्ट्राचा वाटा १५ टक्के आहे.
मार्च महिन्यात राज्यात २७,६८८ कोटी रुपयांचे ‘जीएसटी’ जमा झाला. या वर्षातील हे दुसरे सर्वाधिक संकलन आहे. देशात आर्थिक वर्ष २०२३-२४ मध्ये एकूण २०.१८ लाख कोटी रुपयांचा ‘जीएसटी’ जमा झाला, त्यात महाराष्ट्राचा वाटा हा तीन लाख कोटी रुपयांपेक्षा अधिक म्हणजेच जवळपास १५ टक्के आहे.
‘जीएसटी’ प्रणाली लागू झाल्यापासून महाराष्ट्राने संकलनात पहिला क्रमांक कायम राखला आहे. वर्ष २०२१-२२ मध्ये राज्यात २ लाख १७ हजार कोटी रुपयांचे ‘जीएसटी’ संकलन झाले. गेल्या वर्षी २०२२-२३ मध्ये ते २ लाख ७५ हजार कोटी रुपये होते.
यंदा २०२३-२४ मध्ये प्रथमच ते तीन लाख कोटी रुपयांवर गेले आहे. एप्रिल २०२३ मध्ये राज्यात सर्वाधिक ३३,१९६ कोटी रुपयांचे संकलन झाले होते. त्यानंतर मार्च २०२४ मध्ये दुसऱ्या क्रमाकांचे संकलन झाले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.