Investment Tips: तुम्ही कोणतीही जोखीम न घेता खात्रीशीर परतावा शोधत असाल, तर तुम्ही आवर्ती ठेव (RD) मध्ये गुंतवणूक करू शकता. हा असा गुंतवणुकीचा पर्याय आहे ज्यामध्ये जोखीम न घेणारे गुंतवणूकदार त्यांचे पैसे गुंतवण्यास प्राधान्य देतात.

आरडीमध्ये गुंतवलेले पैसे बुडण्याचा धोका कमी आहे. बँका एक वर्ष ते 10 वर्षांच्या कालावधीसाठी आरडीची सुविधा देतात.

आर्थिक आणीबाणीच्या काळातही तुम्ही ते वापरू शकता. आवर्ती ठेवींचे व्याजदरही 10 टक्क्यांच्या जवळ पोहोचले आहेत.

आवर्ती ठेव हे कर्जाचे साधन आहे आणि ते गुंतवणूकदारांना त्यांच्या ठेवीच्या सुरक्षिततेची हमी देते. अल्पावधीत पैसे कमावण्याचे हे एक चांगले साधन आहे.

आरडीचा फायदा असा आहे की तुम्ही दरमहा लहान रक्कम जमा करू शकता. पण RD चा परतावा महागाई दरापेक्षा कमी असतो.

FD आणि RD मध्ये समान व्याजदर:

फिक्स्ड डिपॉझिट आणि रिकरिंग डिपॉझिटचे व्याजदर बहुतेक समान असतात. मे 2023 मध्ये, सूर्योदय स्मॉल फायनान्स बँक (SSFB) ने ज्येष्ठ नागरिकांसाठी 5 वर्षांच्या FD/RD वर 9.6% व्याज जाहीर केले आहे.

युनिटी स्मॉल फायनान्स बँकही ज्येष्ठ नागरिकांना 9.5 टक्के व्याज देत आहे. सर्वसामान्य नागरिकांनाही या बँकांमध्ये मोठ्या प्रमाणात व्याज मिळत आहे. या बँकांमध्ये FD/RD व्याज दर सुमारे 9% आहे.

1. सूर्योदय स्मॉल फायनान्स बँक (SSFB) ज्येष्ठ नागरिकांना 5 वर्षांच्या RD वर 9.6 टक्के व्याज देत आहे. सामान्य नागरिक आरडीवर 9.1 टक्के व्याज मिळवू शकतात.

2. युनिटी स्मॉल फायनान्स बँक 1001 दिवसांच्या ठेवींवर 9.5% पर्यंत व्याज आणि ज्येष्ठ नागरिकांना 5 वर्षांच्या ठेवींवर 8.15% व्याज देत आहे. सामान्य नागरिकांना 1001 दिवसांच्या ठेवीवर 9.1 टक्के व्याज आणि 5 वर्षांच्या आरडीवर 7.65 टक्के व्याज मिळू शकते.

3. स्टेट बँक ऑफ इंडिया (SBI) ज्येष्ठ नागरिकांना 5 वर्षांच्या RD वर 7.5% व्याज देत आहे. सामान्य नागरिक आरडीवर 6.6 टक्के व्याज मिळवू शकतात.

4. खाजगी क्षेत्रातील HDFC बँक देखील ज्येष्ठ नागरिकांना 5 वर्षांच्या RD वर 7.5% व्याज देत आहे. सामान्य नागरिकांना आरडीवर 7 टक्के व्याज मिळू शकते.

5. ICICI बँक ज्येष्ठ नागरिकांना 5 वर्षांच्या RD वर 7.5% व्याज देखील देत आहे. इतरांना 5 वर्षांच्या आरडीवर 6.9% व्याज मिळू शकते.