Share Market Tips : कलर आणि पिगमेंट बनवणारी कंपनी सुदर्शन केमिकलचे (Sudarshan Chemical) शेअर्समध्ये गेल्या काही दिवसांपासून अस्थिरता दिसून येत आहे. नुकतेच हे शेअर्स दोन टक्क्यांहून अधिक कमजोर झाले आहेत.

सध्या ते एका वर्षाच्या विक्रमी नीचांकी पातळीवर घसरले असले तरी लाँग टर्ममध्ये गुंतवणूकदारांना कोट्यधीश बनवले आहे. पण त्याचवेळी शेअर मार्केट एक्सपर्ट्सने यामध्ये आणखी तेजी येईल असा विश्वास व्यक्त केला आहे.

सुदर्शन केमिकलचे शेअर्स बीएसईवर 2.22 टक्क्यांनी घसरून 374.85 रुपयांवर बंद झाले. त्याची मार्केट कॅप 2,594.98 कोटी आहे.

सुदर्शन केमिकलचे शेअर्स 19 डिसेंबर 2002 रोजी फक्त 3.73 रुपयांवर होते. आता ते 100 पटीने वाढून 374.85 रुपयांवर पोहोचले आहेत. सुदर्शन केमिकलने 21 वर्षात गुंतवणूकदारांच्या 1 लाख रुपयांचे 1 कोटी केले आहेत.

हेही वाचा : वर्क फ्राॅम होम ते 'कायमचे घरी बसा?' हा प्रवास नक्की काय सांगतोय...

11 फेब्रुवारी 2022 रोजी सुदर्शन केमिकलचे शेअर्स 609.70 रुपयांवर होते, जे एका वर्षातील विक्रमी उच्चांक आहे. यानंतर 10 फेब्रुवारी 2023 पर्यंत ते 43 टक्क्यांनी घसरून 345 रुपयांवर आले, जो 52 आठवड्यांचा विक्रमी नीचांक आहे. या नीचांकीवरून 9 टक्के रिकव्हरी झाली आहे.

सुदर्शन केमिकलसाठी डिसेंबर 2022 ची तिमाही काही खास नव्हती. महसुलात 3 टक्क्यांची घट, अपेक्षेपेक्षा जास्त खर्च आणि जास्त आर्थिक खर्च यामुळे त्याच्या नफ्यावर परिणाम झाला.

देशांतर्गत बाजारपेठेतील त्याचे लीडरशिप पोझिशन आणि जागतिक स्तरावर दोन मोठ्या कंपन्या आता डेली पिगमेंट व्यवसायापासून दूर जात असताना ब्रोकरेज फर्म एचडीएफसी सिक्युरिटीज सुदर्शन केमिकलबाबत पॉझिटीव्ह आहेत. शिवाय त्यांना 435 रुपयांचे टारगेटसह बाय रेटिंग आहे.

नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.