Happy Forgings IPO : हॅपी फोर्जिंग्सचा (Happy Forgings) आयपीओ 19 डिसेंबरला सबस्क्रिप्शनसाठी खुला होईल आणि 21 डिसेंबरला बंद होईल. कंपनीने यासाठी 808-850 रुपयांचा प्राइस बँड निश्चित केला आहे. या आयपीओमधून कंपनीचा 1,008.59 कोटी उभारण्याचा मानस आहे.

प्राइस बँडच्या घोषणेनंतर, ग्रे मार्केट प्रीमियममध्ये म्हणजे इश्यूच्या जीएमपीमध्ये वाढ झाली आहे. अँकर गुंतवणूकदार 18 डिसेंबरपासूनच बोली लावू शकतील.

आयपीओ सुरू होण्यापूर्वी ग्रे मार्केटमध्ये कंपनीच्या शेअर्सना मोठी मागणी आहे. गुरुवारी हा इश्यू अनलिस्टेड मार्केटमध्ये 450 रुपयांच्या प्रीमियमवर ट्रेडिंग करत आहे. याचा अर्थ अप्पर प्राइस बँडनुसार कंपनीचे शेअर्स 1300 रुपयांच्या किंमतीला लिस्ट होण्याची शक्यता आहे. असे झाल्यास गुंतवणूकदारांना सुमारे 53 टक्के बंपर नफा मिळेल.

आयपीओ अंतर्गत 400 कोटी रुपयांचे ताजे इक्विटी शेअर्स जारी केले जातील. याव्यतिरिक्त, विद्यमान भागधारकांच्या वतीने 71.6 लाख इक्विटी शेअर्स ऑफर फॉर सेल (OFS) अंतर्गत विकले जातील.

ओएफएसचा भाग म्हणून, प्रमोटर परितोष कुमार गर्ग (HUF) 49.2 लाख इक्विटी शेअर्स विकतील आणि उर्वरित 22.4 लाख शेअर्स इन्व्हेस्टर इंडिया बिझनेस एक्सलन्स फंड-III द्वारे विकले जातील. सध्या, प्रमोटर्सकडे कंपनीत 88.24 टक्के हिस्सा आहे आणि उर्वरित शेअर्स इन्व्हेस्टर इंडिया बिझनेस एक्सलन्स फंड-III कडे आहेत.

आयपीओच्या उत्पन्नातून कंपनी 171.1 कोटी रुपये इक्विपमेंट्ससाठी शिवाय प्लांट आणि मशिनरी खरेदीसाठी वापरणार आहे. याशिवाय 152.76 कोटी रुपयांचे कर्जही या निधीतून फेडण्यात येणार आहे. याव्यतिरिक्त, उर्वरित रक्कम सामान्य कॉर्पोरेट हेतूंसाठी बाजूला ठेवली जाईल.

नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.