Share Market Investment Tips (Marathi News): शनिवारी 2 मार्चला भारतीय शेअर बाजार वाढीसह बंद झाले. शनिवारी सुट्टीच्या दिवशी मार्केटमध्ये 'स्पेशल ट्रेडिंग सेशन'ची एकूण 2 सेशन्स झाली. दोन्ही सत्रांच्या शेवटी सेन्सेक्स आणि निफ्टी वाढीसह बंद झाले. सेन्सेक्स 60 अंकांनी वाढून बंद झाला.

तर निफ्टी 22,350 च्या वर गेला. ब्रॉडर मार्केटमध्येही जोरदार खरेदी झाली. त्यामुळे गुंतवणूकदारांच्या संपत्तीत सुमारे 1.81 लाख कोटींची वाढ झाली आहे. बीएसई मिडकॅप आणि स्मॉलकॅप इंडेक्स अनुक्रमे 0.67% आणि 0.70% च्या वाढीसह बंद झाले.

यापूर्वी व्यवहारादरम्यान सेन्सेक्स आणि निफ्टीने त्यांच्या नवीन विक्रमी पातळीला स्पर्श केला होता. सेन्सेक्सने 73,860.12 अंकांची विक्रमी पातळी गाठली. तर एनएसई निफ्टीने 22,395 अंकांचा नवीन उच्चांक गाठला.

शेअर बाजारात शनिवारी सकाळी 9.15 ते 10 या वेळेत 'प्रायमरी साइट'वर पहिले सेशन आणि 'डिझास्टर रिकव्हरी' वर दुसरे सेशन सकाळी 11.30 ते दुपारी 12.30 या वेळेत पार पडले.

ट्रेडिंग संपल्यावर, बीएसई सेन्सेक्स 60.80 अंकांनी अर्थात 0.08% वाढून 73,806.15 वर बंद झाला. तर एनएसईचा 50 शेअर्सचा इंडेक्स निफ्टी 39.65 अंकांच्या अर्थात 0.18% च्या वाढीसह 22,378.40 वर बंद झाला.

आजचे टॉप 10 शेअर्स कोणते?

• टाटा स्टील (TATASTEEL)

• हिरो मोटो कॉर्प (HEROMOTOCO)

• टाटा मोटर्स (TATAMOTORS)

• अदानी पोर्ट्स (ADANIPORTS)

• जेएसडब्ल्यू स्टील (JSWSTEEL)

• ऑरो फार्मा (AUROPHARMA)

• व्होल्टास (VOLTAS)

• ज्युबिलंट फूड (JUBLFOOD)

• ऍस्ट्रल (ASTRAL)

• एम फॅसिस (MPHASIS)

नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.