Macrotech Developers Share: रिअल इस्टेट कंपनी मॅक्रोटेक डेव्हलपर्सच्या शेअर्समध्ये सध्या चांगली वाढ दिसून येत आहे. नुकताच हा शेअर 8 टक्क्यांपर्यंत वाढला आहे. जागतिक ब्रोकरेज फर्म जेफरीजने मॅक्रोटेक डेव्हलपर्सच्या (Macrotech Developers) शेअर्सला 'बाय' रेटिंग दिले आहे.

यामुळे शेअरमध्ये पॉझिटीव्ह सेंटिमेंट निर्माण झाला आणि मोठ्या प्रमाणात खरेदी सुरू झाली. शुक्रवारी बीएसईवर शेअरने 1225 रुपयांचा उच्चांक गाठला. स्टॉकसाठी हा 52 आठवड्यांचा नवीन उच्चांक आहे. व्यवहाराच्या शेवटी हा शेअर सुमारे 7 टक्क्यांच्या वाढीसह 1208.40 रुपयांवर राहिला.

मॅक्रोटेक डेव्हलपर्सच्या शेअर्सची अप्पर प्राइस बँड 1,356.30 रुपये आहे, त्यात 20% वाढ झाली आहे. गेल्या एका वर्षात स्टॉकमध्ये 120 टक्क्यांहून अधिक वाढ झाली आहे. तीन वर्षांत जमिनीचे भाव दुप्पट झाले आहेत. त्यामुळेच मॅक्रोटेक डेव्हलपर्सच्या स्टॉकमध्ये वाढ अपेक्षित आहे.

ब्रोकरेजने स्टॉकचे टारगेट 884 रुपयांवरून 1290 रुपये केले आहे. हे टारगेट सध्याच्या किंमतीपेक्षा 14 टक्क्यांनी जास्त आहे. मुंबई ट्रान्स हार्बर लिंक सुरु झाल्याने मुंबई शहरातील कनेक्टिव्हिटी वाढेल, ज्याचा फायदा मॅक्रोटेक डेव्हलपर्सना होईल.

नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.