Future Retail: गौतम अदानी आणि मुकेश अंबानी यांनी दिवाळखोरीच्या प्रक्रियेला तोंड देत असलेल्या फ्युचर रिटेल लिमिटेड (Future Retail) खरेदी करण्यासाठी एक्स्प्रेशन ऑफ इंटरेस्ट (EOI) दाखल केला आहे.

या दोन उद्योगपतींसह 49 कंपन्या गुंतवणूकदारांनीही फ्युचर रिटेल लिमिटेड खरेदी करण्यात स्वारस्य दाखवले आहे. नॅशनल कंपनी लॉ ट्रिब्युनल (NCLT) ने कंपनीची कॉर्पोरेट दिवाळखोरी रिझोल्यूशन प्रक्रिया (CIRP) पूर्ण करण्यासाठी फ्युचर रिटेलला आणखी 90 दिवसांचा अवधी दिला आहे.

15 जुलैपर्यंत मुदत वाढवली :

NCLT च्या मुंबई खंडपीठाने फ्युचर रिटेल लिमिटेडची याचिका स्वीकारून 15 जुलै 2023 पर्यंत मुदत वाढवली आहे. फ्युचर रिटेलच्या शेअर्समधील व्यवहार थांबले आहेत. यापूर्वी शेअरची किंमत 2.83 रुपये होती.

याआधी एकदा कंपनीची लिलाव प्रक्रिया सुरू झाली होती. मात्र नंतर ती पूर्ण होऊ शकली नाही. आता पुन्हा एकदा विक्रीची प्रक्रिया सुरू झाली आहे. यावेळी 49 आघाडीच्या व्यावसायिक समूहांनी एक्सप्रेशन ऑफ इंटरेस्ट (EOI) दाखल केले आहेत.

शर्यतीत 49 खरेदीदार :

किशोर बियाणी यांच्या बिग बाजार फर्म फ्यूचर रिटेलसाठी नवीन एक्सप्रेशन ऑफ इंटरेस्ट (EOI) बाहेर आली आहे. त्यांच्या म्हणण्यानुसार 49 खरेदीदारांनी यात रस दाखवला आहे.

यामध्ये डब्ल्यूएच स्मिथ, जिंदाल पॉवर लिमिटेड, रिलायन्स रिटेल , अदानी ग्रुप या व्यतिरिक्त गार्डन ब्रदर्सचा आंतरराष्ट्रीय संघ जेसी फ्लॉवर्स यांचा समावेश आहे.

कर्जाचा बोजा किती?

गेल्या वर्षी 2022 मध्ये, फ्यूचर रिटेल आणि मुकेश अंबानींच्या रिलायन्स रिटेलमधील करार पूर्ण होणार होता, परंतु अॅमेझॉनच्या विरोधानंतर हा करार झाला नाही आणि रिलायन्सने माघार घेतली.

मात्र आता पुन्हा दिवाळखोर कंपनी विकत घेण्याची स्पर्धा लागली आहे. फ्युचर ग्रुप ही एकेकाळी देशातील दुसरी सर्वात मोठी रिटेलर फर्म होती. बिग बाजारची कंपनी फ्युचर रिटेलवर विविध कर्जदारांचे 21,000 कोटी रुपयांपेक्षा जास्त कर्ज आहे.