Share Market Closing Latest Update 25 September 2023: सलग 4 दिवसांच्या विक्रीनंतर सोमवारी (25 सप्टेंबर) शेअर बाजाराला ब्रेक लागला. बाजारातील प्रमुख निर्देशांक तेजीसह बंद झाले. BSE सेन्सेक्स 14 अंकांच्या किंचित वाढीसह 66,023 वर बंद झाला. त्याचप्रमाणे निफ्टीही 19,674 वर बंद झाला. याआधी शुक्रवारी बीएसई सेन्सेक्स 221 अंकांनी घसरून 66,009 वर बंद झाला होता.
आयटी शेअर्स घसरले
आयटी क्षेत्रातील विक्रीमुळे बाजारावर दबाव आला. बजाज फायनान्सचे शेअर्स निफ्टीमध्ये 4.5% वाढीसह सर्वाधिक वाढले. टाटा कंझ्युमरचे शेअर्सही 3.25 टक्क्यांनी वाढून बंद झाले. त्याच वेळी, हिंदाल्कोचा शेअर 2% नी घसरला. जीएसटी सूचनेमुळे, डेल्टा कॉर्पचे शेअर्स 17% घसरले.
क्षेत्रीय निर्देशांकांची स्थिती
रिअल इस्टेट निर्देशांक 1.5 टक्क्यांच्या वाढीसह बंद झाला. त्याचप्रमाणे बँक निर्देशांक 0.3 टक्क्यांच्या वाढीसह बंद झाला. आयटी निर्देशांकात 0.7 टक्के घसरण दिसून आली. बीएसई मिडकॅप निर्देशांकात 0.40 टक्क्यांची वाढ दिसून आली. त्याचबरोबर स्मॉलकॅप निर्देशांक सपाट बंद झाला.
सेन्सेक्सवर 'या' शेअर्समध्ये वाढ
BSE सेन्सेक्सवर बजाज फायनान्सचा शेअर सर्वाधिक 4.45 टक्क्यांच्या वाढीसह बंद झाला. त्याचप्रमाणे कोटक महिंद्रा बँक आणि एशियन पेंट्सचे शेअर्स प्रत्येकी 1 टक्क्यांहून अधिक वाढीसह बंद झाले.
याशिवाय अल्ट्राटेक सिमेंट, आयसीआयसीआय बँक, एनटीपीसी, जेएसडब्ल्यू स्टील, टाटा स्टील, मारुती, नेस्ले इंडिया आणि टायटन यांचे शेअर्स वाढीसह बंद झाले.
सेन्सेक्सवर 'या' शेअर्समध्ये घसरण
सेन्सेक्समध्ये सर्वात मोठ्या घसरणीसह इन्फोसिसचे शेअर्स बंद झाले. याशिवाय महिंद्रा अँड महिंद्रा आणि विप्रोचे शेअर्स प्रत्येकी 1 टक्क्यांहून अधिक घसरणीसह बंद झाले.
याशिवाय टीसीएस, सन फार्मा, इंडसइंड बँक, एचसीएल टेक, एसबीआय, रिलायन्स इंडस्ट्रीज, लार्सन अँड टुब्रो, टाटा मोटर्स, टेक महिंद्रा, हिंदुस्तान युनिलिव्हर लिमिटेड आणि आयटीसी यांचे शेअर्स घसरणीसह बंद झाले.
गुंतवणूकदारांच्या संपत्तीत 22,000 कोटींची वाढ
BSE वर सूचीबद्ध कंपन्यांचे एकूण बाजार भांडवल आज 22 सप्टेंबर रोजी वाढून 317.99 लाख कोटी रुपये झाले, जे त्याच्या आधीच्या ट्रेडिंग दिवशी म्हणजे शुक्रवार 22 सप्टेंबर रोजी 317.77 लाख कोटी रुपये होते.
अशाप्रकारे, BSE मध्ये सूचीबद्ध कंपन्यांचे मार्केट कॅप आज सुमारे 22 हजार कोटी रुपयांनी वाढले आहे. किंवा दुसऱ्या शब्दांत, गुंतवणूकदारांच्या संपत्तीत सुमारे 22 हजार कोटी रुपयांची वाढ झाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.