Share Market Tips : बुधवारी सलग चौथ्या दिवशी बाजार घसरणीसह बंद झाला. बीएसईच्या सर्व सेक्टरल इंडेक्समध्ये घसरण दिसून आली. मेटल, बँकिंग आणि एनर्जी शेअर्समध्ये मोठी घसरण दिसून आली.

रियल्टी, ऑटो आणि आयटी शेअर्सवरही दबाव होता. सेन्सेक्स 928 अंकांनी घसरून 59745 वर बंद झाला. त्याच वेळी, निफ्टी 272 अंकांनी घसरून 17554 वर बंद झाला. निफ्टी बँक 678 अंकांनी घसरून 39996 च्या पातळीवर बंद झाला आहे. तर मिडकॅप 346 अंकांनी घसरून 30211 वर बंद झाला.

आज कशी असेल बाजाराची स्थिती?

अमेरिकन बाजारातील घसरणीने भारतीय बाजारांनाही वेठीस धरल्याचे कोटक सिक्युरिटीजचे श्रीकांत चौहान म्हणाले. बुधवारची पडझड आणखी लांबेल असे वाटत असल्याचे ते म्हणाले.

तांत्रिक दृष्टिकोनातून, निफ्टीने डेली चार्टवर लाँग बियरीश कँडल तयार केली आहे. यासह, इंट्राडे चार्टवर लोअर टॉप फॉर्मेशन तयार करताना दिसत आहे.

हे सध्याच्या पातळीपासून निर्देशांकात आणखी घसरणीचे संकेत देते. पण बाजारातही जास्त विक्री होत आहे. अशा परिस्थितीत, निफ्टी 17600 च्या वर टिकून राहिल्यास, त्यात पुलबॅक रॅली पाहायला मिळू शकते.

आजचे टॉप 10 ऍक्शन शेअर्स कोणते?

• अदानी एन्टरप्रायझेस (ADANIENT)

• अदानी पोर्ट्स (ADANIPORTS)

• ग्रासिम (GRASIM)

• बजाज फायनान्स (BAJFINANCE)

• जेएसडब्ल्यू स्टील (JSWSTEEL)

• ऍस्ट्रल (ASTRAL)

• झी एन्टरटेन्मेंट लिमिटेड (ZEEL)

• गोदरेज प्रॉपर्टीज (GODREJPROP)

• इंडियन हॉटेल (INDHOTEL)

• डिक्सन (DIXON)

नोंद : क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.