Share Market Investment Tips: गुरुवारी सेन्सेक्स-निफ्टी किंचित वाढीसह बंद झाले. शेवटी, सेन्सेक्स 38.23 अंकांच्या म्हणजेच 0.06 टक्क्यांच्या वाढीसह 60431 च्या पातळीवर बंद झाला आहे. त्याच वेळी, निफ्टी 15.60 अंकांच्या म्हणजेच 0.09 टक्क्यांच्या वाढीसह 17828 स्तरावर बंद झाला.

आज कशी असेल बाजाराची स्थिती?

सलग नवव्या दिवशी निफ्टीमध्ये वाढ झाल्याचे एलकेपी सिक्युरिटीजचे रुपक डे म्हणाले. आता जोपर्यंत निफ्टी 17700 च्या वर राहील तोपर्यंत त्याचा कल सकारात्मक राहील. वरच्या बाजूने, निफ्टीला 18,000 वर रझिस्टंस दिसत आहे.

गेल्या काही दिवसांच्या सततच्या तेजीनंतर आता बाजार काहीसा ओव्हरबोट दिसत असल्याचे कोटक सिक्युरिटीजचे श्रीकांत चौहान म्हणाले.

पुढील काही ट्रेडिंग सत्रांमध्ये मार्केटमध्ये प्रॉफिट बुकिंग पाहायला मिळू शकते. तांत्रिकदृष्ट्या, बाजार 50 आणि 200-दिवसांच्या एसएमएवर व्यापार करत आहे. इंट्राडे चार्टवरील हायर बॉटम फॉर्मेशनमुळे पॉझिटिव्ह संकेत आहेत.

दरम्यान, बँक निफ्टीमध्येही पॉझिटिव्ह मुव्हमेंट सुरू राहण्याची अपेक्षा आहे. ट्रेंड फॉलो करणाऱ्या ट्रेडर्सना आता 41,500 च्या जवळपास सपोर्ट दिसत आहे.

हा सपोर्ट कायम राहिल्यास बँक निफ्टी 42500-42700 च्या दिशेने जाताना दिसेल. दुसरीकडे, जर बँक निफ्टी 41500 च्या खाली घसरला तर ही घसरण आणखी वाढू शकते.

आजचे टॉप 10 ऍक्शन शेअर्स कोणते?

इन्फोसिस (INFY)

टेक महिन्द्रा (TECHM)

एचसीएल टेक (HCLTECH)

एनटीपीसी (NTPC)

टीसीएस (TCS)

ए यू बँक (AUBANK)

गोदरेज प्रॉपर्टीज (GODREJPROP)

टीव्हीएस मोटर्स (TVSMOTOR)

पीएनबी (PNB)

ज्युबिलंट फूड (JUBLFOOD)

नोंद: क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.