Share Market Closing Latest Update 4 April 2024: आज शेअर बाजारात जोरदार वाढ झाली. सुरुवातीच्या व्यवहारात बाजाराने नवीन उच्चांक गाठला. आज पहिल्यांदाच निफ्टीने 22600 चा टप्पा पार केला. शेवटी निर्देशांक 80 अंकांनी वाढून 22,514 वर पोहोचला. सेन्सेक्स 350 अंकांनी वाढून 74,227 वर बंद झाला. निफ्टीचा मिडकॅप निर्देशांक प्रथमच 50000 च्या वर गेला.
आजच्या व्यवहारादरम्यान, बाजारात बँकिंग शेअर्समध्ये जोरदार खरेदी झाली, ज्यामुळे निफ्टी बँकिंग निर्देशांक 436 अंकांच्या वाढीसह बंद झाला. याशिवाय आयटी ऑटो शेअर्समध्येही वाढ झाली आहे.कन्झ्युमर ड्युरेबल क्षेत्राच्या शेअर्समध्येही खरेदी झाली. तर ऑइल अँड गॅस, हेल्थकेअर, एनर्जी, मीडिया, रिअल इस्टेट, एफएमसीजी, फार्मा शेअर्स घसरणीसह बंद झाले.
आजच्या व्यवहारात मिडकॅप आणि स्मॉलकॅप निर्देशांक तेजीसह बंद झाले. सेन्सेक्समधील 30 शेअर्सपैकी 20 शेअर्स वाढीसह आणि 10 शेअर्स घसरणीसह बंद झाले. निफ्टीच्या 50 शेअर्सपैकी 27 शेअर्स वाढीसह आणि 23 शेअर्स घसरणीसह बंद झाले.
गुरुवारी शेअर बाजाराच्या व्यवहारात बराच चढ-उतार पाहायला मिळाला. बीएसई सेन्सेक्सने वाढीसह व्यवहार सुरू केला परंतु सत्राच्या मध्यावर त्यात घसरण पाहायला मिळाली. शेवटी, व्यवहाराच्या शेवटी, बीएसई सेन्सेक्स वाढीसह बंद झाला.
शेअर बाजारात सर्वाधिक तेजी असणाऱ्या शेअर्समध्ये एचडीएफसी बँक, टायटन, आयशर मोटर्स, टेक महिंद्रा, एशियन पेंट्स, एलटीआय माइंडट्री आणि डिवीज लॅबचे शेअर्स होते, तर सर्वाधिक नुकसान झालेल्या शेअर्समध्ये अदानी पोर्ट्स, ओएनजीसी, बीपीसीएल, श्रीराम फायनान्स, एसबीआय, भारती एअरटेल आणि ग्रासिम इंडस्ट्रीजच्या शेअर्सचा समावेश होता.
शेअर बाजारातील गुंतवणूकदारांना मल्टीबॅगर परतावा देणाऱ्या कंपन्यांमध्ये हजूर मल्टी प्रोजेक्ट्स, सर्व्होटेक पॉवर, बंधन बँक, डीपी वायर्स, साउथ इंडियन बँक, एलआयसी, स्पाइसजेट, आयआरईडीए, पंजाब नॅशनल बँक यांचे शेअर्स वाढले.
तर पेटीएम, आयटीसीचे, बीसीएल इंडस्ट्रीज, गेल इंडिया, इंडियन ऑइल, गल्फ ऑइल आणि कजारिया सिरॅमिक्स यांचे शेअर्स घसरणीसह बंद झाले.
बीएसई लिस्टेड कंपन्यांचे एकूण मार्केट कॅप आज 4 एप्रिल रोजी 398.60 लाख कोटी रुपयांपर्यंत वाढले आहे, जे बुधवार, 3 एप्रिल रोजी 397.35 लाख कोटी रुपये होते. अशा प्रकारे, बीएसई वर कंपन्यांचे मार्केट कॅप आज सुमारे 1.25 लाख कोटी रुपयांनी वाढले आहे. किंवा दुसऱ्या शब्दात गुंतवणूकदारांच्या संपत्तीत सुमारे 1.25 लाख कोटी रुपयांची वाढ झाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.