Share Market Opening Latest Update 20 February 2024: जागतिक संकेतांचा परिणाम मंगळवारी शेअर बाजारावर दिसून आला. प्रमुख बाजार निर्देशांक सपाट उघडले. सेन्सेक्स 72700 आणि निफ्टी 22,100 च्या जवळ उघडला. बाजारात ऑटो, बँकिंगसह आयटी क्षेत्रात विक्री झाली.
सेन्सेक्समधील 30 शेअर्सपैकी केवळ 9 शेअर्स वाढीसह व्यवहार करत आहेत आणि 21 शेअर्स घसरत आहेत. निफ्टीच्या 50 शेअर्सपैकी 20 शेअर्समध्ये वाढ तर 30 शेअर्समध्ये घसरत दिसून येत आहे.
शेअर बाजाराच्या सुरुवातीच्या व्यवहारात, निफ्टी मिड कॅप 100, निफ्टी आयटी आणि निफ्टी बँक निर्देशांकात घसरण झाली, तर बीएसई स्मॉल कॅप निर्देशांकात वाढ झाली.
आज पॉवर ग्रिड, कोटक बँक, डॉ. रेड्डीज, हिंदाल्को, ओएनजीसी, यूपीएल आणि एलटीआय माइंडट्रीचे शेअर्स वधारले, तर कोल इंडिया, महिंद्रा, आयशर मोटर्स, एचडीएफसी लाईफ, बजाज ऑटो, बजाज फिनसर्व्ह आणि मारुती सुझुकीचे शेअर्स घसरले.
अदानी समूहाच्या 10 शेअर्सपैकी 7 कंपन्यांचे शेअर्स घसरणीसह व्यवहार करत होते, तर NDTV, अदानी विल्मार आणि अदानी टोटलच्या शेअर्समध्ये किंचित वाढ झाली. मंगळवारी गिफ्ट निफ्टी पाच अंकांच्या वाढीसह व्यवहार करत होता. गिफ्ट निफ्टी 22175 अंकांच्या पातळीवर कार्यरत होता.
शेअर बाजारातील तज्ज्ञांचे मत
जागतिक संकेतांचा परिणाम शेअर बाजारावर होणार असल्याचे तज्ज्ञांचे म्हणणे आहे. या आठवड्यात अमेरिकेच्या फेडरल रिझर्व्हच्या बैठकीचा निर्णय येणार आहे. त्यासोबतच ग्राहक किंमत निर्देशांकाशी संबंधित डेटा येणार आहे जो शेअर बाजाराची वाटचाल ठरवू शकतो.
झी एंटरटेनमेंटमध्ये 7% पेक्षा जास्त वाढ
झी एंटरटेनमेंटच्या शेअर्समध्ये मंगळवारी 7% पेक्षा जास्त वाढ होत आहे. सुरुवातीच्या व्यापारात शेअर 7.56% वाढून इंट्राडे उच्चांकावर (रु192) वर पोहोचला. झी-सोनी प्रकरणाशी संबंधित वकिलांमध्ये झालेल्या चर्चेच्या वृत्तानंतर कंपनीच्या शेअर्समध्ये ही वाढ झाली आहे.
व्हर्लपूल शेअर्स 4.5% पेक्षा जास्त घसरले
व्हर्लपूल शेअर्समध्ये मंगळवारी 4.5% पेक्षा जास्त घसरण झाली. शेअर सुरुवातीच्या व्यापारात 4.77% घसरून रु. 1,268 च्या नीचांकी पातळीवर आला. ब्लॉक डीलद्वारे 24% स्टेक विकल्याच्या वृत्तानंतर कंपनीच्या शेअर्समध्ये ही घसरण झाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.