Share Market Closing Latest Update 8 May 2024: शेअर बाजार आजही सपाट बंद झाला, पण बेंचमार्क निर्देशांक घसरणीतून सावरले. सेन्सेक्स-निफ्टी सपाट बंद झाले आणि बँक निफ्टी घसरला. BSE सेन्सेक्स 45 अंकांनी घसरून 73466 अंकांच्या पातळीवर बंद झाला, तर राष्ट्रीय शेअर बाजाराचा निफ्टी 50 निर्देशांक कोणताही बदल न करता 22,302 अंकांच्या पातळीवर बंद झाला.

बुधवारी शेअर बाजारात बरेच चढ-उतार झाले. सकाळी घसरणीसह व्यवसाय सुरू केल्यानंतर, शेअर बाजार दिवसभर वाढीसह व्यवहार करत होता, परंतु पुन्हा एकदा घसरणीसह बंद झाला. Hero MotoCorpने गेल्या आर्थिक वर्षाच्या चौथ्या तिमाहीचे निकाल जाहीर केले आहेत. निकाल जाहीर झाल्यानंतर, Hero MotoCorpच्या शेअर्समध्ये वाढ झाली आहे.

कोणते शेअर्स तेजीत?

बुधवारी शेअर बाजाराच्या टॉप गेनर्सच्या यादीत बीपीसीएल, टाटा मोटर्स, हीरो मोटोकॉर्प, हिंडाल्को, पॉवर ग्रिड, कोल इंडिया आणि लार्सन या शेअर्सचा समावेश होता, तर टॉप लूजर्सच्या यादीत डॉ. रेड्डीज, एशियन पेंट्स, ग्रासिम इंडस्ट्रीज, अल्ट्राटेक सिमेंट, एचडीएफसी बँक, श्रीराम फायनान्स आणि एसबीआय लाईफ यांचा समावेश होता.

शेअर बाजारातील चढ-उतारांदरम्यान पेटीएम, बर्जर पेंट्स, सिंजीन इंटरनॅशनल, दालमिया भारत आणि रॅमको सिमेंटचे शेअर्स 52 आठवड्यांच्या नीचांकी पातळीवर आले आहेत.

क्षेत्रीय निर्देशांकाची स्थिती

आजच्या व्यवहारात ऑटो, एफएमसीजी, मेटल, रिअल इस्टेट, मीडिया, एनर्जी आणि ऑइल अँड गॅस क्षेत्रातील शेअर्स वाढीसह बंद झाले, तर बँकिंग, आयटी, हेल्थकेअर, कंझ्युमर ड्युरेबल्स क्षेत्रातील शेअर्स घसरणीसह बंद झाले.

मिडकॅप आणि स्मॉलकॅप शेअर्सनी आजच्या सत्रात 50 हजारांचा टप्पा पार केला आणि 361 अंकांच्या वाढीसह 50,036 अंकांवर बंद झाला. तर स्मॉलकॅप निर्देशांक 94 अंकांच्या वाढीसह बंद झाला.

बीएसईचे मार्केट कॅप 400 लाख कोटींच्या पुढे

आजच्या व्यवहारातील तेजीमुळे, BSE वर कंपन्याचे बाजार भांडवल 400 लाख कोटी पार करून 400.85 लाख कोटींवर बंद झाले आहे. तर शेवटच्या ट्रेडिंग सत्रात मार्केट कॅप 398.43 लाख कोटी रुपये होते. म्हणजेच आजच्या व्यवहारात मार्केट कॅपमध्ये 2.42 लाख कोटी रुपयांची वाढ झाली आहे. बाजारात व्यवहार झालेल्या 3926 शेअर्सपैकी 2133 शेअर्स वाढीसह बंद झाले तर 1661 शेअर्स घसरले.