Stock Market Crash: भारतीय शेअर बाजारात आज मोठी घसरण झाली असून सेन्सेक्स-निफ्टी प्रचंड घसरणीसह व्यवहार करत आहेत. सेन्सेक्समध्ये आज 1,000 अंकांची घसरण झाली आहे, तर निफ्टीमध्येही 300 अंकांची घसरण झाली आहे.

सेन्सेक्स आणि निफ्टी हे दोन्ही प्रमुख निर्देशांक आज 1.5 टक्क्यांहून अधिक घसरणीसह व्यवहार करत आहेत. गुंतवणूकदारांचे मोठे नुकसान होत असून एकूण बाजार भांडवलापैकी 5 लाख कोटी रुपये बुडाले आहेत.

बाजाराची स्थिती कशी आहे - किती घसरण आहे?

शेअर बाजारात आज चौफेर घसरण दिसत आहे. BSE सेन्सेक्स 1,013.22 अंकांनी किंवा 1.52 टक्क्यांनी घसरून 65,446.09 च्या पातळीवर आला. त्याच वेळी, NSE चा निफ्टी 300.60 अंक किंवा 1.52 टक्क्यांच्या घसरणीसह 19,432.95 च्या पातळीवर आला आहे.

बँक निफ्टीतही घसरण झाली

बँक निफ्टीमध्येही जबरदस्त घसरण दिसून येत आहे आणि आज तो 800 हून अधिक अंकांच्या घसरणीसह व्यवहार करत आहे. बँक निफ्टी 863 अंकांच्या किंवा 1.89 टक्क्यांच्या घसरणीसह 44,729 च्या पातळीवर आला आहे.

गुंतवणूकदारांचे 5 लाख कोटी रुपये बुडाले

आजच्या प्रचंड घसरणीत, गुंतवणूकदारांचे 5 लाख कोटी रुपयांहून अधिक नुकसान झाले आहे आणि त्यांच्या भांडवलात 5 लाख कोटी रुपयांहून अधिक घसरण झाली आहे. कालचे बाजार भांडवल 306.80 लाख कोटी रुपये होते, ते आज 301.69 लाख कोटी रुपयांवर आले आहे.

बाजारातील सर्व क्षेत्रीय निर्देशांक लाल रंगात

बाजारातील सर्व क्षेत्रीय निर्देशांकांवर घसरणीचे वर्चस्व आहे आणि कोणत्याही क्षेत्रात तेजी नाही. याशिवाय सेन्सेक्सच्या शेअर्सवर नजर टाकली तर 30 पैकी फक्त 3 शेअर्समध्ये तेजी दिसत आहे. दुसरीकडे, निफ्टीच्या 50 शेअर्सवपैकी केवळ 4 शेअर्स तेजीत आहेत आणि उर्वरित 46 शेअर्समध्ये घसरण झाली आहे.

देशांतर्गत शेअर बाजारात आज सर्वत्र घसरण दिसून येत आहे आणि बाजारातील एकूण 3,689 शेअर्सपैकी केवळ 1,062 शेअर्समध्येच वाढ झाली आहे. तर 2491 शेअर्समध्ये घसरण झाली आहे.