कऱ्हाड सातारा : उसाच्या फडाला लागलेल्या आगीत अवघ्या अकरा महिन्याच्या चिमुरडीचा भाजून मृत्यू झाला. काल रात्रू बनवडी येथे घटना घडलीय. नंदिनी सोमया वरवी (रा. निलपाणी ता. चोपडा, जि. जळगाव Jalgaon) असं दुर्देवी मुलीचं नाव आहे. शहर पोलिसांत (Karad Police) याची नोंद झालीय.

पोलिसांनी सांगितलं की, सांगली (Sangli) जिल्ह्यातील एका साखर कारखान्याची (Sugar Factory) ऊसतोड मजुरांची टोळी बनवडीत आली आहे. मजुरांच्या टोळीकडून परिसरातील उसाची तोड सुरू होती. काल गावातील एका शेतकऱ्याच्या उसाची तोडणी करण्यासाठी मजूर गेले होते. त्यापैकी एकाची नंदिनीही होती. तीच्या आईनं नंदिनीला झोळीमध्ये बांधून झोपवलं. त्यानंतर ती फडात गेली. सायंकाळी सहाच्या सुमारास मजूर ऊस तोडणीमध्ये व्यस्त होते. त्यावेळी नंदिनीला जेथे झोळीत ठेवलं होतं.

तेथील पाचोळ्याला आग लागल्याचे दिसले. सर्वांनी तिथं धाव घेतली. आग विझविलीही मात्र, आगीत नंदिनी जखमी झाली होती. त्यांनी त्वरित तीला कृष्णा रुग्णालयात (Krishna Hospital) उपचारासाठी दाखल केले. मात्र, उपचारापूर्वीच तिचा मृत्यू झाल्याचे तेथील वैद्यकीय अधिकाऱ्यांनी सांगितलं. घटनेची माहिती मिळताच पोलिसांनी संबंधित ठिकाणचा पंचनामा केला आहे. मृतदेह उत्तरीय तपासणीनंतर नातेवाईकांच्या ताब्यात दिला आहे.