ढेबेवाडी : मालदन (ता. पाटण) येथे आयोजित बैलगाडी शर्यतीत (Bullock Cart Race) सुपने (ता. कऱ्हाड) येथील देवराज पाटील यांच्या बैलगाडीने प्रथम क्रमांकाचे ३१ हजार रुपये बक्षीस व ढाल पटकावली. विविध भागातून सव्वाशे गाड्या शर्यतीत सहभागी झाल्या.

तब्बल सात तास चाललेला शर्यतीचा थरार पाहण्यासाठी बैलगाडी शर्यत शौकिनांनी मोठी गर्दी केली होती. मालदनचे हर्षवर्धन काळे यांच्या स्मरणार्थ ग्रामस्थ मंडळ व वजीर ग्रुपने शर्यतीचे आयोजन केले होते. सव्वाशे बैलगाड्या त्यात सहभागी झाल्या.

भैरवनाथ प्रसन्न तांबवे, नगरसेवक हणमंतराव जाधव आगाशिवनगर, अंबिका प्रसन्न अंबवडे, निखिल दादा पवार बेलवडे खुर्द यांच्या गाडीने अनुक्रमे, दोन ते पाच क्रमांक पटकावले. प्रथम क्रमांकाचे बक्षीस ३१ हजार रुपयांचे बक्षीस हर्षवर्धन काळे यांच्या स्मरणार्थ यशवंत काळे, द्वितीय क्रमांकाचे २५ हजार रुपयांचे बक्षीस रघुनाथ बोत्रे यांच्या स्मरणार्थ शशिकांत बोत्रे, तृतीय क्रमांकाचे २० हजार रुपयांचे बक्षीस सुरेश काळे, एम. डी. पाटील, सूर्यकांत काळे, चतुर्थ क्रमांकाचे १५ हजार रुपयांचे बक्षीस नितीन काळे (दादा), पाचव्या क्रमांकाचे ११ हजार रुपयांचे बक्षीस राजेश साळुंखे यांच्यातर्फे ठेवले होते.

जयदीप अजितराव पाटील यांच्या स्मरणार्थ संदीप पाटील, तसेच स्वाती संतोष देसाई यांच्या स्मरणार्थ चैतन्य उद्योग समूह यांच्यातर्फे विजेत्यांना ढाली देण्यात आल्या. शर्यत पाहण्यासाठी पाटण-कऱ्हाड तालुक्यातील शौकिनांनी मोठी गर्दी केली होती. झेंडापंच म्हणून संदीप माने यांनी काम पाहिले. बबलू देसाई व श्रीकांत साबळे यांनी समालोचन केले. अजित काळे यांनी स्वागत केले. युवराज काळे यांनी आभार मानले.