उंब्रज (सातारा) : इंदोली येथील शॉक लागून शेतकऱ्याचा मृत्यू मागील आठवड्यात झाला होता. त्या प्रकरणी वीज कंपनीसह अधिकाऱ्यांवर येथील पोलिसात गुन्हा दाखल झाला. इंदोली येथे घटना घडली होती. दादासाहेब शिवाजी चव्हाण (वय 54, रा. इंदोली) असे मृत्यू झालेल्या शेतकऱ्याचे नाव आहे. त्यांचा मुलगा मंथन याने दिलेल्या तक्रारीवरून दोन दिवसांपूर्वी येथील पोलिसात गुन्हा दाखल झाला आहे.

पोलिसांनी दिलेल्या माहितीनुसार, इंदोली येथे दोन मार्चला सकाळी दादासाहेब चव्हाण पट्टी नावाच्या शिवारात पाणी पाजत होते. त्यावेळी शेतात तुटून पडलेल्या विजेच्या तारेवर पाय पडून विजेच्या तारेचा शॉक लागून जागीच ठार झाले होते. शेतात वाकलेल्या विजेच्या तारांबाबत तसेच वाकलेल्या पोलबाबत दादासाहेब चव्हाण यांनी सात वर्षांपूर्वी येथील महावितरण कंपनीकडे तक्रार देत होते.

36 लाखांत उजळणार इतिहासकालीन मोती तळ्याचे 'भाग्य'

त्यांनी सात वर्षांत वारंवार लेखी तक्रार दिली होती. मात्र, त्याकडे वीज महावितरण कंपनीच्या अधिकारी व कर्मचाऱ्यांनी दुर्लक्ष केले. त्यामुळे तुटलेल्या तारेचा शॉक लागल्याने दादासाहेब चव्हाण यांचा मृत्यू झाल्याचे मंथन यांनी देलेल्या फिर्यादीत म्हटले आहे. अधिकारी व कर्मचारी यांच्यावर चव्हाण यांच्या मृत्यूस कारणीभूत ठरल्याबद्दल पोलिस ठाण्यात गुन्हा दाखल झाला आहे.

Edited By : Balkrishna Madhale