काशीळ (जि.सातारा) :  सध्या कोविडमुळे बेडची गरज निर्माण झाली आहे. त्यामुळे जिल्हाधिकारी व सर्वांच्या चर्चेतून काशीळ ग्रामीण रुग्णालयाचा विचार केला असून, येथे आयसीयूचे 50 बेड बसू शकतील. पुढील आठ दिवसांत काम पूर्ण होईल, असे माजी मुख्यमंत्री, आमदार पृथ्वीराज चव्हाण यांनी सांगितले. दरम्यान, पुढील काळात काशीळ ग्रामीण रुग्णालयात ट्रामा सेंटर सुरू करणार असल्याचेही त्यांनी सांगितले.
कशात अडकली पोलिसांची रेनकोट खरेदी
 
येथील ग्रामीण रुग्णालय कोविडच्या रुग्णांसाठी वापरता येईल का, यासाठी आमदार चव्हाण यांनी पाहणी केली. त्या वेळी ते बोलत होते. या वेळी जिल्हाधिकारी शेखर सिंह, जिल्हा शल्यचिकित्सक अमोद गडीकर, जिल्हा परिषदेचे मुख्य कार्यकारी अधिकारी संजय भागवत, कार्यकारी अभियंता दराडे, प्रांताधिकारी मिनाज मुल्ला, पोलिस उपनिरीक्षक वर्षा डाळिंबकर, सामाजिक कार्यकर्ते भरत माने, सरपंच सुभाषराव जाधव, उपसरपंच कामिनी तळेकर, माजी पंचायत समिती सदस्य जयवंत कुंभार, चंद्रकांत जगताप, माजी सरपंच अंकुश माने, प्रकाश जाधव, धनाजी माने, सुरेश माने आदी उपस्थित होते. 

राष्ट्रवादीच्या कट्टर नेत्याची 'या' निवडणुकीतून माघार; स्वतः केले जाहीर

कण्हेरकरांचा एकच निर्धार, गावातून कोरोनाला करणार हद्दपार

आमदार चव्हाण म्हणाले, ""सर्व सोयीसुविधांयुक्त रुग्णालय व्हावे, अशी मागणी या परिसरातील अनेक गावांतील लोकांची होती. त्यानुसार येथे ग्रामीण रुग्णालय मंजूर केले. या रुग्णालयास उभारणीसाठी पाच वर्षे झाली असून, बांधकाम अंतिम टप्यात आहे. सध्या कोविड बाधितांची संख्या वाढत असल्याने अतिरिक्त बेडची गरज निर्माण झाल्याने या इमारतीचा विचार केला असून, पुढील आठ दिवसांत आवश्‍यक कामे पूर्ण केली जातील. सातारा व कऱ्हाड या शहरांच्या मध्यवर्ती हे रुग्णालय असल्याने येथे ट्रामा सेंटर व सर्व स्टाफची निवासाची सोय करणार आहे.'' या वेळी रुग्णालय आवारात मान्यवरांच्या हस्ते वृक्षारोपण करण्यात आले. 

संपादन : संजय शिंदे