सातारा : जिल्ह्यात कोरोनाचा (Coronavirus) वाढता संसर्ग थांबत नसल्याने अखेर प्रशासनाने सोमवारी मध्यरात्रीपासून कडक लॉकडाऊन (Lockdown) सुरू केला आहे. सध्या जिल्ह्याचा पॉझिटिव्हिटी रेट 27% एवढ्यावर असून निगेटिव्ह अहवालांचा पेंडिंग डाटा भरण्यात आल्याने तो प्रत्यक्ष अहवालात कमी दिसत आहे. मात्र, त्यावर न जाता आता बाधित वाढ रोखून जिल्हा कोरोना मुक्त करण्यासाठी जिल्हावासियांनी कडक लॉकडाउन पाळावा व स्वतःसह प्रशासनाला सहकार्य करावे, असे आवाहन जिल्हाधिकारी शेखर सिंह (Collector Shekhar Singh) यांनी केलेय. जिल्ह्यात काल रात्री 12 वाजेपर्यंत जाहीर करण्यात आलेल्या रिपोर्टनुसार, 2675 नागरिकांचे अहवाल कोरोना बाधित आले असून 33 बाधितांचा मृत्यू झाल्याची माहिती जिल्हा आरोग्य अधिकाऱ्यांनी दिली आहे. (Corona Test Positive Of 2675 Citizens In Satara District Today)

तालुकानिहाय कोरोना बाधितांची संख्या, तर आजअखेर बाधित रुग्णांची संख्या कंसात पुढीलप्रमाणे : जावली 125 (7264), कराड 228 (21537), खंडाळा 135 (10017), खटाव 283 (14908), कोरेगांव 158 (13641), माण 131 (10753), महाबळेश्वर 15 (3926), पाटण 111 (6435), फलटण 1071 (23058), सातारा 343 (34190), वाई 64 (11297 ) व इतर 11 (1000) असे आजअखेर एकूण 158036 नागरिकांचे अहवाल कोरोना बाधित आहेत.

तसेच आज मृत्यू झालेल्या बाधितांची संख्या, तर आजअखेर मृत्यू झालेल्या रुग्णांची संख्या कंसात पुढीलप्रमाणे : जावली 0 (164), कराड 9 (621), खंडाळा 1 (131), खटाव 8 (402), कोरेगांव 4 (307), माण 2 (201), महाबळेश्वर 0 (42), पाटण 0 (155), फलटण 0 (244), सातारा 9 (997), वाई 0 (298) व इतर 0, असे आजअखेर जिल्ह्यामध्ये एकूण 3562 कोरोना बाधितांचा मृत्यू झाला आहे.

Corona Test Positive Of 2675 Citizens In Satara District Today