रहिमतपूर (जि. सातारा) : कोरोनाबाधितांच्या संख्येत वाढ होत आहे. ऑक्‍सिजनविना प्राण जाऊ नये, यासाठी येथील रॉकडेश्वर गल्लीमधील नागरिकांनी वर्गणी काढून तीन ऑक्‍सिजन मशिन व प्लस ऑक्‍सिमीटर खरेदी केले आहेत. रोकडेश्वर गल्ली येथील नागरिकांनी एकत्र येत लोकवर्गणीतून जवळपास एक लाख 25 हजार रुपये जमा केले. त्यातून तीन ऑक्‍सिजन मशिन खरेदी करून आदर्श घालून दिला.
कोरोनाबरोबर जगण्यासाठी आणि लढण्यासाठी आम्ही तयारीचे एक पाऊल त्यांच्याकडून टाकण्यात आले आहे. बाधितांची संख्या वाढल्याने रुग्णालयात बेडचा तुटवडा जाणवत आहे, त्या वर उपाययोजना म्हणून शासनाने "होम आयसोलेशन' संकल्पना राबविण्यास सुरुवात केली आहे. या संकल्पनेत ऑक्‍सिजन मशिनचा उपयोग होऊ शकतो व रुग्णांना ऑक्‍सिजन पुरवला जाऊ शकते.
या एका मशिनवर एकावेळी दोन जणांना ऑक्‍सिजन दिला जाऊ शकतो. रोकडेश्वर गल्लीने एकजुटीचे सर्वत्र कौतुक होत आहे. या वेळी लोकार्पण करताना वासुदेव माने, सुखदेव माने, नंदकुमार माने, विक्रमसिंह माने, विद्याधर बाजारे, डॉ. अमित माने, अरुण माने पाटील, जगगनाथ माने, नितीन माने, अधिक माने, आप्पासाहेब मोरे, भीमराव सावंत, सोमनाथ पोतदार व इतर नागरिक उपस्थित होते.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.