उंडाळे (जि. सातारा) : येथील पुण्यश्‍लोक अहिल्यादेवी होळकर सोलापूर विद्यापीठातील भौतिकशास्त्र संकुल आणि आयक्‍यूएसी विभागाचे संचालक प्रा. डॉ. विकास पाटील यांच्या नायट्रोजन डाय ऑक्‍साईड वायूशोधक यंत्रास भारत सरकारच्या पेटंट प्रबंधक कार्यालयाकडून पेटंट प्राप्त झाले आहे. 

प्रा. डॉ. पाटील यांनी आंतरराष्ट्रीय दर्जाचे संशोधन केलेले आहे. वातावरणातील सर्वांत घातक व विषारी नायट्रोजन डाय ऑक्‍साईड जो वाहन व कारखान्यांच्या धुरातून वातावरणात पसरून प्रदूषण निर्माण होतो. त्यामुळे मानवी आरोग्याला धोका पोचतो. या विषयावर प्रा. डॉ. पाटील यांनी संशोधन केले आहे. त्यांच्या संशोधनात वातावरणात नायट्रोजन डाय ऑक्‍साईडचे प्रमाण किती आहे, हे ही समजते. डॉ. पाटील यांचे अमोनिया गॅस सेन्सरसंदर्भातील पेटंट पूर्वीच प्रसिद्ध झाले आहे. वरील संशोधनाकरिता भाभा अटॉमिक रिसर्च सेंटर मुंबई मधील संशोधकांचे सहकार्य मिळाले आहे. 

सलग तिस-या दिवशी खासदार श्रीनिवास पाटलांनी संसदेत साता-याचे लक्ष वेधले

गॅस सेन्सॉरसंदर्भातील संशोधनाकरिता बोर्ड ऑफ रिसर्च इन न्यूक्‍लिअर सायन्स, भारत सरकारकडून आतापर्यंत त्यांना 53 लाखांचे अनुदान मिळाले आहे. त्याचबरोबर सदर संशोधनाचे इंडस्ट्रीबरोबरचे technology transfer चे काम अंतिम टप्यात आहे. प्रा. पाटील म्हणाले, ""याबाबतचे संशोधन मी तीन वर्षांपूर्वी सुरू केलेले होते. पेटटंसाठी, अर्ज केल्यानंतर त्यात कोणतीही क्‍युरी आली नाही. या संशोधनातून हवेत किती नायट्रोजनचे प्रमाण आहे, याची अचूक माहिती मिळणार आहे. डिव्हाईस खूप कमी खर्चात उपलब्ध होईल.''

पाळी सुसह्य करण्यासाठी साता-यातील मायलेकीची धडपड! 

कुलगुरू डॉ. मृणालिनी फडणवीस यांच्या प्रोत्साहन व मार्गदर्शनामुळे संशोधन करता आले व त्यास पेटंट प्राप्त झाल्याची भावना डॉ. पाटील यांनी व्यक्त केली आहे. त्यानिमित्त त्यांचे प्र-कुलगुरू डॉ. देबेंद्रनाथ मिश्रा, कुलसचिव डॉ. विकास घुटे यांच्यासह संकुलाचे संचालक, शिक्षक-शिक्षकेतर कर्मचारी आदींनी अभिनंदन केले आहे. 

संपादन : बाळकृष्ण मधाळे