कोरेगाव (जि. सातारा) : तालुक्यातील 56 ग्रामपंचायतींच्या पंचवार्षिक निवडणुकीचा कार्यक्रम जाहीर झाला असून, त्यात प्रामुख्याने ल्हासुर्णे, पाडळी स्टेशन (सातारारोड), देऊर, वाठार स्टेशन, धामणेर, वाठार किरोली या ग्रामपंचायतींचा समावेश आहे. त्यामुळे आता निवडणुका असलेल्या 56 गावांमध्ये महिनाभर वाडा, भावकीचे स्थानिक राजकारण रंगणार आहे.

कोरेगाव येथील निवडणूक शाखेतून मिळालेल्या माहितीनुसार येत्या 15 तारखेला निवडणुकीची नोटीस प्रसिद्ध होणार आहे. त्यानंतर 23 ते 30 तारखेदरम्यान सुटीचे दिवस वगळून सकाळी 11 ते दुपारी तीन या वेळेत उमेदवारी अर्ज दाखल करण्याची मुदत आहे. दाखल उमेदवारी अर्जांची छाननी 31 तारखेला सकाळी 11 पासून तहसीलदार कार्यालयात होईल. उमेदवारी अर्ज मागे घेण्याची मुदत चार जानेवारी रोजी दुपारी तीनपर्यंत आहे. त्यानंतर 15 जानेवारी रोजी सकाळी साडेसात ते सायंकाळी साडेपाच या वेळेत आवश्यक तेथे प्रत्यक्ष मतदान आणि 18 तारखेला मतमोजणी व निकाल जाहीर होणार आहे. 

ऐंशी वर्षाच्या योद्ध्यावर वरुणराजाचा जलाभिषेक; ऐतिहासिक सभेची सातारकरांना आजही आठवण!

निवडणुका होणाऱ्या ग्रामपंचायतींमध्ये होलेवाडी, वाठार स्टेशन, साप, तडवळे (संमत वाघोली), तळीये, फडतरवाडी, मध्वापूरवाडी, नागेवाडी, चिलेवाडी, किन्हई, पेठ किन्हई, दुघी, निगडी, बोरजाईवाडी, शेंदूरजणे, दुधनवाडी, बोधेवाडी (चिमणगाव), भोसे, भक्तवडी, अरबवाडी, भंडारमाची, भाकरवाडी, तांदूळवाडी, धामणेर, त्रिपुटी, जांब बुद्रुक, सोळशी, राऊतवाडी, नांदवळ, चौधरवाडी, अनपटवाडी, दुर्गळवाडी, काळोशी, नलवडेवाडी (तारगाव), रिकिबदारवाडी, अंबवडे (संमत वाघोली), कोलवडी, मंगळापूर, ल्हासुर्णे, वाठार किरोली, बिचुकले, भिवडी, सुर्ली, किरोली, तारगाव, कटापूर, गोगावलेवाडी, गोडसेवाडी, तांबी, रेवडी, देऊर, सासुर्वे, नलवडेवाडी (बिचुकले), दहिगाव, पाडळी स्टेशन (सातारारोड), सायगाव (धामणेर) या गावांचा समावेश आहे.

संपादन : बाळकृष्ण मधाळे