कऱ्हाड (सातारा): सरपंच परिषदेच्या कऱ्हाड उत्तर व दक्षिण कार्यकारिणीची निवडी पार पडल्या. सरपंच परिषदेचे राज्य अध्यक्ष जितेंद्र भोसले यांनी कार्यकारिणी जाहीर केली. सभापती प्रणव ताटे, उपसभापती रमेश देशमुख, परिषदेचे मार्गदर्शक शंकरराव खापे, पश्चिम महाराष्ट्र कार्याध्यक्ष सतीश इंगवले यांनी नियुक्तींचे पत्रे प्रदान केली.

येथील यशवंतराव चव्हाण सभागृहात झालेल्या कार्यक्रमास मान्यवरांसह सरपंच उपस्थित होते. राज्यअध्यक्ष जितेंद्र भोसले यांनी जिल्ह्यातील कार्यकारिणी जाहीर केली. सरपंच परिषदेच्या पदाधिकाऱ्यांनी केलेल्या कामाचा आढावा सांगितला. कऱ्हाड उत्तर व दक्षिणच्या कार्यकारिणीमध्ये गट आणि गण विचारात घेऊन धडाडीने काम करणाऱ्या महिला व पुरुष सरपंच यांची अध्यक्ष, उपाध्यक्ष, कार्याध्यक्ष, खजिनदार, समन्वयक, प्रसिद्धी प्रमुख, जिल्हा कार्याध्यक्ष यांना नियुक्त पत्र मान्यवरांच्या हस्ते देण्यात आली.

पश्चिम महाराष्ट्र कार्याध्यक्ष इंगवले यांनी मनोगत व्यक्त केले. उपसभापती देशमुख यांनी सरपंच परिषदेमार्फत राज्यामध्ये चांगले काम होण्यासाठी शुभेच्छा दिल्या. सभापती ताटे यांनी नवनियुक्त पदाधिकाऱ्यांना शुभेच्छा दिल्या. सरपंच परिषदेचे मार्गदर्शक शंकरराव खापे यांनी प्रास्ताविक केले. संजय शिंदे यांनी सूत्रसंचालन केले. जावेद मुल्ला यांनी आभार मानले.