सातारा : शहरातील (City) प्रभाग क्रमांक एकमधून जाणारा रस्ता सार्वजनिक बांधकाम विभागाच्या हद्दीतील असून, या रस्त्यावर पडलेले खड्डे ४८ तासांच्‍या आत बुजविण्याची मागणी पाणीपुरवठा सभापती सीता हादगे यांनी निवेदनाद्वारे बांधकाम विभागाकडे केली. निवेदनानुसार कार्यवाही न झाल्‍यास आंदोलन करण्‍याचा इशाराही हादगे यांनी निवेदनात दिला आहे.
निवेदनात म्हटले आहे, शहरामध्ये पडलेल्या मुसळधार पावसामुळे सार्वजनिक बांधकाम विभागाच्या हद्दीतील रस्त्यांची खड्ड्यांमुळे अक्षरशः चाळण झाली आहे. प्रभाग क्रमांक १ मधील कऱ्हाड- महाबळेश्वर मार्गावर आणि सातारा - कोरेगाव मार्गावर तहसीलदार कार्यालयासमोर सेवा रस्त्यावर ठिकठिकाणी सहा ते आठ इंच खड्डे पडले आहेत. विशेषतः रात्रीच्या वेळी हे खड्डे लक्षात येत नसल्यामुळे रात्रीच्या सुमारास वाहनांचे अपघात होत आहेत.
हे अपघात रोखण्‍यासाठी येथील रस्त्यांची तत्काळ दुरुस्‍ती, डागडुजी करणे आवश्‍‍यक आहे. निवेदनानुसार कार्यवाही न झाल्‍यास तीव्र आंदोलन करत खड्ड्यांमध्‍ये वृक्षारोपण करत शासनाचा निषेध करण्‍याचा इशाराही हादगे यांनी निवेदनात दिला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.