सातारा : बंदी असतानाही गुटखा, पानमसाला, तंबाखू आदींचा साठा व वितरण केल्याप्रकरणी पाच जणांवर शहर व शाहूपुरी पोलिसांनी कारवाई केली आहे. याबाबत अन्नसुरक्षा अधिकारी युवराज तात्याबा ढेंबरे यांनी फिर्याद दिली आहे.

सातारा-रहिमतपूर रस्त्यावर श्री साई पानशॉपवर टाकलेल्या छाप्यात चार हजार 901 रुपयांचा माल जप्त करण्यात आला. याप्रकरणी कांताआप्पा भीमनआप्पा फुलारे (रा. संगम कॉलनी, गोडोली), विजय शंकर भोसले (रा. वृदांवन अपार्टमेंट, सातारा) व अभय बाबूराव मोहिते (रा. मंगळवार पेठ, सातारा) या तिघांवर गुन्हा दाखल झाला आहे. सहायक पोलिस निरीक्षक सी. एम. मछले तपास करत आहेत.
 
शाहूपुरी पोलिसांनीही सातारा शहर आणि परिसरात गुटखा, पानमसाला तसेच प्रोसेस्ड तंबाखू विकणाऱ्या दोघांवर गुन्हा दाखल केला आहे. महसूल भवनसमोर बस स्थानक परिसरात समीर इक्‍बाल शेख (रा. राजसपुरा पेठ, सातारा) याच्या बादशाह टपरीवर छापा टाकला. याप्रकरणी इम्रान हवालदार यांनी फिर्याद दिली आहे. अमोल महादेव चव्हाण (रा. म्हसवे, ता. सातारा) याची सातारा बस स्थानक परिसरात अमोल पानशॉप टपरी आहे. त्यावरही कारवाई करण्यात आली. या प्रकरणी अनिल पवार यांनी फिर्याद दिली आहे. पोलिस निरीक्षक संजय पतंगे तपास करत आहेत. 

एका सिगारेटने केले कोटीचे नुकसान; साताऱ्यात पाच शिवशाही जळून खाक

भारत पाटणकरांची घाेषणा; ३२ आण्याचा सातबारा कुळांच्या नावे १६ आणे करुन मिळेपर्यंत ठिय्या आंदोलन 

'शिवेंद्रसिंहराजे कधीही कुणाच्या नादाला लागत नाहीत, लागलेच तर त्याचा नाद संपवल्याशिवाय गप्प बसत नाहीत' 

कार्यक्रमांना निमंत्रण दिले जात नसल्यावरून सभापती, सदस्यांचा संताप; अधिकाऱ्यांची कानउघडणी

भारतीयांच्या गळ्यातील ताईत हिमा दास आता बनणार 'डीएसपी'

Edited By : Siddharth Latkar