विंग (सातारा) : वादळी वाऱ्यासह पावसाने (Heavy Rain) विभागात अंबवडे येथील घराचे पत्रे उडून नुकसान झाले. नुकसानीचे पंचनामे करताना काहीचे झालेलेच नाहीत. पाच दिवस उलटूनही पंचनामे झालेले नाहीत. त्यामुळे प्रशासन नुकसानग्रस्तांची दखल घेणार का? हा प्रश्न सध्या शेतकऱ्यांपुढे आहे. (Heavy Rain In Ambawade Area Satara Marathi News)

वादळी वाऱ्यासह आणे, अंबवडे, कोळे परिसराला तडाखा बसला. ठिकठिकाणी घरांचे पत्रे उडाले. झाडे उन्मळून पडली. वीज खांब कोलमडले. शेती पिकांचे मोठे नुकसान केले. हा परिसर कोळे महसूल अंतर्गत येत असल्याने तलाठ्यांनी घटनास्थळी पाहणी केली. नुकसानग्रस्तांचे पंचनामे मात्र कार्यालयात बसून केले आहेत. चोवीस तासांच्या आत पंचनामे करताना कागदोपत्री पूर्तता केलेल्या कुटुंबीयांचे पंचनामे पूर्ण झाले नाहीत. अंबवडेत नुकसानग्रस्त कुटुंबीयांच्या पंचनाम्याकडे दुर्लक्ष झाल्याचे तेथील ग्रामस्थांचे म्हणणे आहे.

तेथील सोनाजी साळुंखे कुटुंबाचे नाव असून, संबंधित वयोवृद्ध असून, अंथरुणावर खिळून आहे. त्या कुटुंबीयांच्या घराचा पत्रा उडून गेला आहे. वीजही गायब आहे. अंधारात ते व त्यांच्या पत्नी राहात आहेत. त्यांचा पंचनामा झालेला नाही ते कुटुंब दुर्लक्षित राहिले आहे. नवनाथ पाटील यांच्याही घरावरील पत्रे उडाले आहेत. अंबवडेसह आणे, शिंगणवाडी मिळून एकूण 48 जणांचे पंचनामे झाल्याचे सांगण्यात आले. मात्र, ज्यांचे खरेच नुकसान झाले आहे. ते मात्र त्यापासून वंचितच आहेत.

Heavy Rain In Ambawade Area Satara Marathi News