तारळे (सातारा) : तारळेसह विभागात सलग दुसऱ्या दिवशी वादळी वाऱ्यासह पावसाने हजेरी लावली. विजांच्या कडकडाटात सुमारे तासभर पावसाने (Heavy Rain) झोडपून काढले. त्यात छप्पर व घरावरील पत्रे उडून गेले. झाडेही उन्मळून पडली, तर विजेचे खांब पडून सात गावे अंधारात आहेत. आंब्याचेही मोठ्या प्रमाणात नुकसान झाले. (Heavy Rain In Tarle Area Satara News)

तारळे विभागात पावसाने धुमाकूळ घातला. सोसाट्याचा वारा, विजांचा कडकडाट आणि मुसळधार पावसामुळे मोठे नुकसान झाले. पावसाने नांगरट झालेल्या शेतातील ढेकळे फुटली आहेत. अनेक शेतांत पाणी साचून राहिले. त्यामुळे बळीराजा खुश आहे. मात्र, वारे आणि पावसाने आंब्याचे मोठ्या प्रमाणात नुकसान झाले आहे. झाडे व फांद्या मोडून पडल्या आहेत. खबालवाडीत बाळासाहेब खबाले- पाटील यांच्या घराचा व शशिकांत जाधव यांच्या घरावरील पत्रे उडून गेले. घरातील धान्य भिजून नुकसान झाले.

फलटण-लोणंद-पुणे मार्गावरील रेल्वेची चाके थांबली; 30 जूनपर्यंत सेवा बंद!

वेखंडवाडी शिवारात विजेचा पोल पडल्याने पंढरवाडी, वजरोशी, चिंचेवाडी, करमाळे, दुसाळे, बांधवाट, पाबळवाडी आदी गावांतील वीजपुरवठा खंडित झाला आहे. तारळेच्या शिवारातही खांब पडून कृषी पंपांचा वीजपुरवठा खंडित झाला आहे. ओढे- नालेही भरून वाहिले. खांब पडल्याने सात गावे अंधारात आहेत. वीज कंपनीकडून वीजपुरवठा पूर्ववत करण्याचे काम युद्धपातळीवर सुरू आहे.

Heavy Rain In Tarle Area Satara News