सातारा : अकोला येथील आध्यात्मिक गुरू कालीपुत्र कालीचरण महाराज (Kalicharan Maharaj) यांनी आज येथे येऊन जलमंदिरला (Jalmandir) भेट दिली. या भेटीदरम्‍यान त्‍यांनी राजमाता कल्‍पनाराजे भोसले (Rajmata Kalpanaraje Bhosle) आणि खासदार उदयनराजे भोसले (Udayanraje Bhosale) यांच्याशी चर्चा केली. या वेळी भवानीमातेची त्यांनी पूजा केली.

अकोला (Akola) येथील मूळचे असणारे कालीचरण महाराज हे कालीमाता आणि शिवशंकराचे उपासक आहेत. वयाच्‍या चौदाव्‍या वर्षी त्‍यांनी कालीमातेच्‍या आराधनेस सुरुवात केली. यानंतर आध्यात्मिक गुरूंकडून शिक्षण घेत ब्रह्मचर्यव्रत स्‍वीकारले. कालीचरण महाराज यांचा राज्‍यात तसेच देशाच्‍या विविध भागांत मोठा भक्‍तवर्ग आहे.

आज त्‍यांनी येथे जलमंदिर येथे राजमाता कल्‍पनाराजे आणि उदयनराजे यांची भेट घेतली. भेटीदरम्‍यान विविध विषयांवर चर्चा करत त्‍यांनी अध्‍यात्‍माची माहिती उपस्‍थितांना दिली. यानंतर त्‍यांनी जलमंदिरातील भवानीमातेच्‍या मंदिरात जाऊन भवानीमातेची पूजा केली. भोजपूर येथील भोजेश्‍‍वर मंदिरात त्‍यांनी गायलेले शिवतांडव स्‍तोत्र सध्‍या सोशल मीडियावर प्रचंड व्‍हायरल होत आहे.