खंडाळा (सातारा) : येथील पोलिसांनी लॉकडाउन नियमांचा (Lockdown Rules) भंग केल्याप्रकरणी एका आठवड्यात 189 जणांवर कारवाई करत 63 हजार 800 रुपये दंड वसूल केला आहे. यामुळे येथील नागरिक घराबाहेर पडताना विचार करू लागले आहेत. पोलिस निरीक्षक महेश इंगळे (Police Inspector Mahesh Ingle) यांच्या नेतृत्वाखाली आपला कडक पहारा ठेवला असल्याचे चित्र आहे. (Khandala Police Take Action Against 189 Citizens For Violating Lockdown Rules Satara News)

येथे शिवाजी चौकासह इतर ठिकाणी पोलिसांनी बंदोबस्त ठेवला आहे, तर परिसरातील गावातही पोलिस फिरू लागल्याने नागरिकही कडक लॉकडाउन नियम पाळत आहे. मात्र, यातून काही जण बिनदिक्तपणे फिरताना आढळत असल्याने पोलिसांनी (Police) यांच्यावर कडक कारवाईचा बडगा उभारला आहे. येथील पोलिसांनी एका आठवड्यात विनामास्क फिरणार या 92 जणांवर कारवाई करत 18 हजार 400 रुपये, सोशल डिस्टन्ससंदर्भात (Social Distancing) दोघावंर कारवाई करत दोन हजार रुपये, तर विनाकारण फिरणार या एकूण 80 जणांवर कारवाई करत 40 हजार रुपये दंड वसूल केला, तर सकाळपासून 12 मोटरवाहनांवर कारवाई करत दोन हजार 400 रुपये वसूल केला आहे. वाहन डिटेन व आस्थापना संदर्भात खंडाळा पोलिसांनी ही कारवाई केलीय. खंडाळ्यातील शिवाजी चौकात नाकाबंदी करून तीन तासांतच सात हजार 600 रुपये दंड वसूल करण्यात आला आहे.

Khandala Police Take Action Against 189 Citizens For Violating Lockdown Rules Satara News