सातारा : मालोशी ते पाडेकरवाडी दरम्यानच्या घाट रस्त्यात आज पहाटे भली मोठी दरड कोसळली. मोठ्या प्रमाणावर दरड रस्त्यावर पसरली असल्याने वाहतूक पूर्णतः ठप्प झाली आहे. यामुळे पाडेकरवाडी, घाटेवाडी, डोणी, मोरेवाडी व पवारवाडी आदी गावांचा तारळेशी संपर्क तुटला आहे. यामुळे गावकऱ्यांची मोठी गैरसोय झाली आहे.
मालोशी ते घाटेवाडी हा घाट रस्ता गेली काही वर्षे दरडग्रस्त भाग बनला आहे. तारळी धरणाच्या परिसरातील हा भाग असल्याने येथे कायम अतिवृष्टी होते. मॉन्सूनच्या तडाखा येथे सर्वात जास्त असतो.
यामुळे येथील घाट रस्त्यांवर सातत्याने दरडी कोसळल्याच्या घटना घडतात. बांधकाम विभाग कधी तत्परतेने त्या दरडी हटवते, तर कधी काही दिवस नागरिकांना संपर्कहीन राहावे लागते. त्यामुळे घाटाला दरडींचे ग्रहण लागले आहे. हा घाट आता दरडप्रवण क्षेत्र बनला आहे. जुलै महिन्यात झालेल्या प्रचंड पावसात देखील दरडी पडल्या होत्या. आताही परतीच्या पावसाने हजेरी लावली आहे.
मालोशी आळी ते पाडेकरवाडी दरम्यानच्या अवघड वळणावर आज पहाटे मोठी दरड कोसळली. ती रस्त्यावर मोठ्या प्रमाणावर पसरली आहे. स्थानिकांनी बांधकाम विभागाला कळवले असून, आज दरड काढण्याचे आश्वासन देण्यात आले आहे. मात्र, सध्यातरी काहीही कार्यवाही झालेली नाही. त्यामुळे पाडेकरवाडी, घाटेवाडी, डोणी, मोरेवाडी व पवारवाडी आदी गावांचा तारळेशी संपर्क तुटला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.