काशीळ : मराठा आरक्षण (Maratha Reservation) रद्द केलेल्या सर्वोच्च न्यायालयाच्या निर्णयावर (Supreme Court Judgement) देशमुखनगर (ता. सातारा) येथे या परिसरातील काही युवक कार्यकर्त्यांनी मुंडण करून सर्वोच्च न्यायालयाने (Supreme Court of India) दिलेल्या निर्णयावर राज्य शासन बाजू मांडण्यास कमी पडल्याने या निर्णयाचा निषेध व्यक्त केला. या वेळी कार्यकर्त्यांनी 'एक मराठा लाख मराठा, आरक्षण आमचे हक्काचे' अशा घोषणा दिल्या. (Maratha Reservation Issue Agitation At Deshmukhnagar Kashil Satara News)

कामेरीचे सरपंच सुंदर घाडगे, महेश घाडगे म्हणाले, "मराठा आरक्षणाबाबत राज्य शासन बाजू मांडण्यास कमी पडले असून, कोरोनाच्या पार्श्वभूमीवर संचारबंदी व जमावबंदीचा आदेश असल्याने सर्व नियम व अटींच्या अधीन राहून घरातच मुंडण करून या निर्णयाचा निषेध व्यक्त केला आहे. माजी आमदार शालिनीताई पाटील यांनी केलेला आर्थिक आरक्षणाचा मुद्दा योग्य असून, कोरोनाचे संकट व संचारबंदी संपल्यावर मराठा समाजाची भूमिका वेगळी असेल.'' या वेळी सरपंच सुंदर घाडगे, आर. डी. घाडगे, महेश घाडगे, सुनील देशमुख, समाधान घाडगे, संदीप सूर्यवंशी, दीपक घाडगे यांनी मुंडण करून निषेध व्यक्त केला.

Reservation : डॉ. बाबासाहेब आंबेडकरांना खरंच 10 वर्षांसाठी आरक्षण हवे होते? जाणून घ्या 'सत्य'

Maratha Reservation Issue Agitation At Deshmukhnagar Kashil Satara News