कऱ्हाड (सातारा) : कोल्हापूरकडून भरधाव वेगाने पुण्याकडे निघालेल्या कारची टॅंकरला पाठीमागून जोराची धडक बसल्याची घटना आज पहाटे जखिणवाडी फाटा (ता. कऱ्हाड) येथे घडली. अपघातात कारमधील शकील जमाल शेख (वय ४२ रा.स्कायसिटी, धानोर, पुणे) हे जागीच ठार झाले. या अपघाताची नोंद झाल्याची माहिती शहर पोलिसांनी दिली.
पोलिसांची माहिती अशी की, हरिहर सुथन शिवकुमार ( वय २७ रा. नागापट्टीनम, तामीळनाडू) हा कंटेनर घेऊन पुण्याकडे निघाला होता. आज शनिवारी पहाटे चारच्या सुमारास कंटेनर कऱ्हाड जवळील जखिणवाडी फाट्याजवळ आल्यावर पाठीमागून भरधाव वेगाने आलेल्या ह्युंडाई कारने कंटेनरला जोराची धडक दिली.
या धडकेत कारमधील शकिल जमाल शेख हे जागीच ठार झाले. तर कारमधील रेश्मा शकील शेख (वय 41), सफा कागलकर(वय 11), सबा कागलकर (वय 12), मेहर कागलकर, मोहंमद कागलकर( 2) हे जखमी झाले. जखमींना उपचारासाठी खासगी रूग्णालयात पाठवण्यात आले आहे. अपघाताची नोंद कऱ्हाड शहर पोलिसात झाली असून पोलीस उपनिरिक्षक बी. एस. कांबळे तपास करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.