कऱ्हाड (जि. सातारा) : पुणे ते बंगळूर महामार्गावर अतिवेगवान वाहनांवर महामार्ग पोलिसांनी केलेल्या कारवाईतून मुंबई, पुणे, गोवा व बंगळूर या मोठ्या शहरांतील वाहनधारकांची संख्या सर्वाधिक असल्याचे स्पष्ट झाले आहे. 

महामार्गावर दोन महिन्यांत 81 अतिवेगवान वाहनांचे अपघात झाले असून, त्यात 35 जणांना आपला जीव गमावावा लागला, तर 104 जण जखमी आहेत. या पार्श्‍वभूमीवर महामार्ग पोलिसांनी वर्षभरता 20 हजारहून अधिक वेगवान वाहनांवर केलेल्या कारवाईत दोन कोटींहून अधिक दंड वसूल केला आहे, तरीही वाहनांचा वेग काही कमी होताना दिसत नाही. महामार्गावर वाहनांना ताशी 90 किलोमीटरच्या वेगाला परवानगी आहे. त्यावरील वेगवान वाहने कारवाईच्या कचाट्यात येतात. आटके टप्पा, पाचवड फाटा, वहागाव येथे झालेल्या वेगवेगळ्या अपघातांत पुणे, कोकणसह गोव्या नजीकच्या वाहनांचा अतिवेगच धोक्‍याचा ठरला आहे. 

फलटण-सातारा मार्गावर ट्रकचालकांना लूटणाऱ्या उस्मानाबादच्या पाच जणांना पोलिस कोठडी

वहागाव येथे झालेल्या अपघातातील वाहनांचा वेग ताशी 165 किलोमीटरचा होता. अपघातानंतर कारचे स्पीडॅमीटर ताशी 165 किलोमीटरवर लॉक झाले होते. वाहन पास करण्याची स्पर्धा लावणाऱ्या इनोव्हा, सिफ्ट कार चालकांचा आटके टप्पा येथे रात्री अपघात झाला. तिन्ही वाहने वेगवान होती. अपघातग्रस्त वेगवान वाहने कोकण, मुंबई, गोवा, पुणे येथील होती. त्यामुळे महमार्गावर वेग सोडणाऱ्या वाहनांत मुंबई, पुणे, गोवा व बंगळूरमधील मोठ्या शहरांतील वाहनधारकांची संख्या सर्वाधिक आहे. दंड झालेल्यांमध्येही त्यांची संख्या सर्वाधिक दिसते आहे. 

पाणीवाटपावरून म्हासुर्णेत सख्या भावाचा खून; वडिलांसह दोघांवर गुन्हा

अतिवेगवान वाहनांकडून असा आला दंड... 

• 13 महिन्यांत 20 हजार 668 वाहनांकडून दोन कोटी 6 लाख 68 हजार 
• महामार्ग पोलिसांनी वर्षात 57 हजार 603 वाहनांकडून तीन कोटी 
• महामार्गावर वेगाचे उल्लंघन केलेल्या 19 हजार 492 वाहनांकडून एक कोटी 
• जानेवारीत एक हजार 176 वाहनांकडून सुमारे 12 लाख 

JEE MAIN परीक्षा देताय?, मग आधी ही मार्गदर्शक तत्त्वे वाचा; म्हणजे, तुम्हाला सहज प्रवेश मिळेल!

अपघात होऊ नयेत, यासाठी महामार्ग पोलिस नेहमी प्रयत्न करतात. मात्र, वेगावर मनाचा ताबा येत नाही. तोपर्यंत वाहनांचाही वेग कमी होणार नाही अशी स्थिती आहे. त्यामुळे जागृतीच्या पर्यायासह स्वतःची जबाबदारी ओळखून वाहन चालविणेही हेही महत्त्वाचे आहे.'' 
-रघुनाथ कळके, सहायक पोलिस निरीक्षक, महामार्ग पोलिस, कऱ्हाड 

साताऱ्याच्या बातम्या वाचण्यासाठी येथे ► क्लिक करा

संपादन : बाळकृष्ण मधाळे