कोरेगाव (जि. सातारा) : दुचाकी ओव्हरटेक करण्याच्या कारणावरून आसरे (ता. कोरेगाव) येथील तिघांना मारहाण करत झटापटीमध्ये महिलेचे सोन्याचे मंगळसूत्र हिसकावून घेतल्याप्रकरणी धारनाथनगर, कुमठे (ता. कोरेगाव) येथील आठ जणांवर पोलिस ठाण्यात गुन्हा दाखल झाला आहे.
पोलिसांनी दिलेल्या माहितीनुसार, यासंदर्भात कांचन दीपक सणस (रा. आसरे, ता. कोरेगाव) यांनी फिर्याद दिली आहे. त्यात म्हटले आहे, की काल (ता. 1) सायंकाळी सातच्या सुमारास मुलगा आर्यन व दीर सूरज दिगंबर सणस हे दोघे जण कोरेगाव येथून दुचाकीवरून घरी येत होते. त्या वेळी त्यांच्या दुचाकीने वैभव चव्हाण (पूर्ण नाव माहीत नाही, रा. कुमठे, ता. कोरेगाव) याच्या दुचाकीला ओव्हरटेक केले. त्यानंतर रात्री सव्वाआठच्या सुमारास अज्ञाताने मोबाईलवर फोन करून मुलगा आर्यन यास शिवीगाळ, दमदाटी केली.
काही वेळाने घरासमोर कुणाल बाळकृष्ण चव्हाण, वैभव चव्हाण, सौरभ चव्हाण, वैभव चव्हाण (पूर्ण नावे माहीत नाहीत, सर्व रा. धारनाथनगर, कुमठे, ता. कोरेगाव) व अन्य अनोळखी चौघे जण आले. या सर्वांनी आर्यन, तसेच दीपक यांना हाताने आणि सूरज यांना डोक्यात बादलीने मारहाण केली. या वेळी झालेल्या झटापटीत कुणालने कांचन यांच्या गळ्यातील 46 हजारांचे सोन्याचे मंगळसूत्र हिसकावून घेतले. सहायक पोलिस निरीक्षक साळुंखे तपास करत आहेत.
साताऱ्याच्या बातम्या वाचण्यासाठी येथे ► क्लिक करा
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.